ब्रिस्बेन : ब्रिस्बेनमधील गाबा मैदानावर खेळवल्या जाणाऱ्या चौथ्या कसोटीचा आजचा खेळ पावसाच्या व्यत्ययामुळे थांबवण्यात आला. दिवसाचा खेळ थांबवण्यात आला तेव्हा ऑस्ट्रेलियाने दिलेलं 328 धावांचं आवाहन स्विकारत टीम इंडिया मैदानात उतरली होती. भारताकडून रोहित शर्मा आणि शुभमन गिल खेळत होते, आज 1.5 षटकांचा खेळ झाला आहे.
आज ऑस्ट्रेलियाच्या फलंदाजांनी चांगला खेळ केला. डेव्हिड वॉर्नर आणि हॅरिस यांनी 89 धावांची भागिदारी केली. दुसऱ्या सत्रात स्टिव स्मिथने 55 धावा केल्या. कर्णधार पेन (27) कॅमरुन ग्रीन(37) डेव्हिड वॉर्नर (48), हॅरिस (38) लाबुशेन (25) यांनी धावसंख्या वाढवण्यास मदत केली. भारताच्या मोहम्मद सिराजनं दमदार खेळी करत ऑस्ट्रेलियाच्या 5 फलंदाजांना तंबूत पाठवलं. शार्दुल ठाकूर आणि मोहम्मद सिराजच्या माऱ्यामुळे ब्रिस्बेन कसोटी सामन्यात दुसऱ्या डावात ऑस्ट्रेलियाला 294 धावा करता आल्या.
ब्रिस्बेनच्या गाबा मैदानावर आतापर्यंत चौथ्या डावात 250 पेक्षा जास्त धावांचं आव्हान कोणीही पार केलेलं नाही. तसंच, गल्या 100 वर्षात गाबा मैदानावर ऑस्ट्रेलिया एकदाही पराभूत झालेला नाही. ऑस्ट्रेलियाचा हा रेकॉर्ड टीम इंडिया मोडणार का, याकडे साऱ्या क्रिकेटजगताचं लक्ष आहे. ऑस्ट्रेलियाला पहिल्या डावात 33 धावांची आघाडी मिळाली असल्यामुळे चौथा कसोटी सामना जिंकण्यासाठी भारताला 328 धावांची गरज आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.