India vs New Zealand, ODI: टीम इंडियात तीन मोठे बदल, सूर्या-ईशानलाही संधी; जाणून घ्या Playing XI

भारत विरुद्ध न्यूझीलंड संघातील पहिला वनडे सामना हैदराबादला खेळवला जात आहे.
Team India
Team India Dainik Gomantak

India vs New Zealand, 1st ODI: भारत विरुद्ध न्यूझीलंड संघात बुधवारपासून वनडे मालिका सुरू झाली आहे. या मालिकेतील पहिला सामना हैदराबादमधील राजीव गांधी आंतरराष्ट्रीय क्रिकेट स्टेडियमवर होत आहे. पहिल्या सामन्यात भारताने नाणेफेक जिंकून प्रथम फलंदाजी करण्याचा निर्णय घेतला आहे.

या सामन्यासाठी भारतीय संघाने शेवटच्या सामन्यात खेळलेल्या प्लेइंग इलेव्हनमध्ये तीन बदल केले आहेत. न्यूझीलंडविरुद्धच्या पहिल्या वनडेसाठी भारताच्या प्लेइंग इलेव्हनमध्ये हार्दिक पंड्या, शार्दुल ठाकूर आणि सूर्यकुमार यादव यांचे पुनरागमन झाले आहे. त्यांना अक्षर पटेल, श्रेयस अय्यर आणि केएल राहुल या तिघांच्या जागेवर संधी मिळाली आहे. हे तिघेही या वनडे मालिकेचा भाग नाही.

Team India
India vs New Zealand: ईशान किशन 'या' जागेवर करणार बॅटिंग, कॅप्टन रोहितने स्पष्टच सांगितलं

तसेच न्यूझीलंड भारताविरुद्धच्या पहिल्या वनडेत तीन वेगवान गोलंदाज आणि दोन फिरकीपटू अशा संघसंयोजनासह मैदानात उतरणार आहेत. या मालिकेसाठी केन विलियम्सनच्या अनुपस्थितीत टॉम लॅथम न्यूझीलंडचे नेतृत्व करणार आहे.

या मालिकेपूर्वी दोन्ही संघांनी त्याच्या अखेरच्या वनडे मालिकांमध्ये विजय मिळवलेले आहेत. त्यामुळे त्यांचा आत्मविश्वास दुणावलेला आहे. भारताने श्रीलंकेला 3-0 आणि न्यूझीलंडने पाकिस्तानला 2-1 अशा फरकाने पराभूत केले आहे. त्यानंतर हे दोन्ही संघ आता एकमेकांना आव्हान देण्यासाठी सज्ज आहेत.

दरम्यान, भारत आणि न्यूझीलंड संघात आत्तापर्यंत वनडे क्रिकेटमध्ये 113 सामने खेळवण्यात आले आहेत. यातील 55 सामने भारताने जिंकले आहेत, तर 50 सामने न्यूझीलंड संघाने जिंकले आहेत. तसेच 7 सामन्यांचा निकाल लागलेला नाही, तर एक सामना बरोबरीत सुटला आहे.

(India vs New Zealand 1st ODI: Playing XI)

Team India
India vs New Zealand: वनडेमध्ये कोणाचं वर्चस्व? एका क्लिकवर जाणून घ्या हेड-टू-हेड रेकॉर्ड्स

असे आहेत दोन्ही संघांचे प्लेइंग इलेव्हन -

भारतीय संघ - रोहित शर्मा (कर्णधार), शुभमन गिल, विराट कोहली, ईशान किशन (यष्टीरक्षक), सूर्यकुमार यादव, हार्दिक पंड्या, वॉशिंग्टन सुंदर, शार्दुल ठाकूर, कुलदीप यादव, मोहम्मद सिराज, मोहम्मद शमी.

न्यूझीलंड संघ - फिन ऍलेन, डेवॉन कॉनवे, हेन्री निकोल्स, डॅरिएल मिशेल, टॉम लॅथम (कर्णधार/यष्टीरक्षक), ग्लेन फिलिप्स, मायकल ब्रेसवेल, मिशेल सँटेनर, हेन्री शिपले, लॉकी फर्ग्युसन, ब्लेअर टिकनर

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com