IND vs NZ: पळायचं की नाही? विराट-ईशानच्या गोंधळात किवींनी साधली रनआऊटची संधी

न्यूझीलंडविरुद्धच्या तिसऱ्या वनडेत विराट आणि ईशान यांच्यात धाव घेण्यासाठी गोंधळ झाला होता, ज्यामुळे ईशानला विकेटही गमवावी लागली.
Virat Kohli and Ishan Kishan Run Out
Virat Kohli and Ishan Kishan Run OutDainik Gomantak

India vs New Zealand: भारत विरुद्ध न्यूझीलंड संघात इंदोरला तिसरा वनडे सामना झाला. या सामन्यात भारतीय संघाने प्रथम फलंदाजी केली होती. दरम्यान, भारताच्या फलंदाजीवेळी यष्टीरक्षक फलंदाज ईशान किशन विचित्रपद्धतीने धावबाद झाला.

होळकर क्रिकेट स्टेडियमवर झालेल्या सामन्यात भारताकडून रोहित शर्मा आणि शुभमन गिल यांनी द्विशतकी भागीदारी करत चांगली सुरूवात मिळवून दिली होती. या दोघांनीही वैयक्तिक शतकेही केली. पण शतके केल्यावर हे दोघे लागोपाठच्या षटकांमध्ये बाद झाले.

त्यानंतर भारताचा डाव विराट कोहली आणि ईशान किशन यांनी सांभाळण्यास सुरुवात केली होती. पण या दोघांचीही जोडी खेळपट्टीवर स्थिरावत असतानाच 35 व्या षटकात ईशान धावबाद झाला.

Virat Kohli and Ishan Kishan Run Out
Rohit Sharma: 'हिटमॅन'ची प्रतिक्षा संपली! तब्बल 1100 दिवसांनी सेंच्यूरी ठोकत साधली पाँटिंगची बरोबरी

झाले असे की विराट आणि ईशान या दोघांमध्ये तिसऱ्या विकेटसाठी 38 धावांची भागीदारी झाली होती. त्यावेळी 35 व्या षटकातील तिसऱ्या चेंडूवर ईशानने कव्हरच्या दिशेने शॉट खेळला आणि तो एकेरी धाव घेण्यासाठी धावला. त्यावेळी नॉन-स्ट्रायकरवर उभा असलेला विराटही धावला. विराट खेळपट्टीच्या अर्ध्यावर पोहचला असताना ईशानने मन बदलले आणि तो मागे फिरला.

त्यानंतर स्ट्रायकर एन्डला दोन्ही खेळाडू पोहचले. त्यावेळी विराटची बॅट आधी क्रिजमध्ये गेल्याने ईशानला त्याची विकेट गमवावी लागली. ईशानने 24 चेंडूत 1 चौकार आणि 1 षटकारासह 17 धावांची खेळी केली. तो बाद झाल्यानंतर काहीवेळानंतर विराटही 36 धावांवर बाद झाला.

Virat Kohli and Ishan Kishan Run Out
Ishan Kishan Net Worth: वयाच्या 24 व्या वर्षी बिहारचा लाल बनला करोडपती, अनेकांचे आयुष्य गेले!

यानंतर एका बाजूने भारताच्या विकेट्स नियमित कालांतराने जात असताना दुसरी बाजू हार्दिक पंड्याने सांभाळली होती. त्याने यावेळी 54 धावांची अर्धशतकी खेळीही केली. तसेच भारताकडून सलामीलाच रोहित आणि शुभमन यांनी 212 धावांची भागीदारी करत संघाला चांगली सुरुवात दिली होती. याचा फायदा भारतीय संघाला 350 धावांचा टप्पा पार करताना झाला.

यावेळी रोहितने 101 धावांची खेळी केली, तसेच शुभमनने 112 धावांची खेळी केली. त्यामुळे भारतीय संघाने प्रथम फलंदाजी करताना 50 षटकात 9 बाद 385 धावा केल्या. न्यूझीलंडकडून जेकॉब डफी आणि ब्लेअर टिकनर यांनी प्रत्येकी 3 विकेट्स घेतल्या. तसेच मायकल ब्रेसवेलने 1 विकेट घेतली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com