Pakistan For T20 World Cup 2022: बाबर आझमच्या नेतृत्वाखाली पाकिस्तानी संघ चांगली कामगिरी करत आहे. न्यूझीलंडला हरवून पाकिस्तानने तिरंगी मालिका जिंकली आहे. आता टी-20 विश्वचषक 2022 साठी पाकिस्तान संघात मोठे फेरबदल करण्यात आले आहेत. उस्मान कादिरच्या जागी एका धडाकेबाज फलंदाजाचा समावेश करण्यात आला आहे. चला जाणून घेऊया या खेळाडूबद्दल.
हे खेळाडू पाकिस्तान संघात सामील झाले
पाकिस्तान क्रिकेट बोर्डाने (PCB) शुक्रवारी स्टार फलंदाज फखर जमानचा (Fakhr Zaman) टी-20 विश्वचषकासाठी पाकिस्तानच्या संघात समावेश केल्याचे जाहीर केले. पीसीबीने अधिकृत निवेदनात म्हटले आहे की, "25 सप्टेंबर रोजी कादिरला कराची येथे इंग्लंड (England) विरुद्धच्या T20 सामन्यादरम्यान दुखापत झाल्यामुळे हा बदल आवश्यक होता."
लवकरच ऑस्ट्रेलियाला जाणार
पहिला राखीव खेळाडू म्हणून यादीत समाविष्ट असलेला फखर जमान शनिवारी लंडनहून ब्रिस्बेनला पोहोचेल, त्याच्यासोबत वेगवान गोलंदाज शाहीन शाह आफ्रिदीही असणार आहे. ही जोडी पाकिस्तानच्या (Pakistan) इंग्लंड (17 ऑक्टोबर) आणि अफगाणिस्तान (19 ऑक्टोबर) विरुद्धच्या सराव सामन्यांमध्ये निवडीसाठी उपलब्ध असतील.
भारताविरुद्ध परफॉर्मन्स चांगला
फखर जमानची गणना जगातील सर्वोत्तम खेळाडूंमध्ये केली जाते. 2017 च्या आयसीसी चॅम्पियन्स ट्रॉफीच्या अंतिम सामन्यात फखर जमाननेच टीम इंडियाविरुध्द शानदार प्रदर्शन केले होते. त्यामुळे भारताचे विजेतेपदाचे स्वप्नही भंगले होते. आयसीसी चॅम्पियन्स ट्रॉफीच्या अंतिम सामन्यात त्याने 114 धावा केल्या होत्या. फायनलमध्ये टीम इंडियाला 180 धावांनी पराभव स्वीकारावा लागला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
