IND vs SL, 1st T20I: दोन खेळाडूंचं पदार्पण? अशी असू शकते टीम इंडियाची 'प्लेइंग इलेव्हन'

श्रीलंकेविरुद्धच्या पहिल्या टी20 सामन्यातून दोन भारतीय खेळाडू पदार्पण करण्याची शक्यता आहे.
Team India
Team IndiaDainik Gomantak

IND vs SL, 1st T20I: भारत विरुद्ध श्रीलंका यांच्यात 3 जानेवारीपासून तीन सामन्यांची टी20 मालिका सुरू होणार आहे. या मालिकेतील पहिला सामना मुंबईच्या वानखेडे स्टेडियमवर होणार आहे. या सामन्याला संध्याकाळी 7 वाजता सुरुवात होईल.

दरम्यान, या मालिकेत रोहित शर्मा, विराट कोहली, श्रेयस अय्यर यांसारख्या प्रमुख खेळाडूंना विश्रांती देण्यात आली आहे. त्यामुळे हार्दिक पंड्याकडे संघाचे कर्णधारपद आणि सूर्यकुमार यादवकडे उपकर्णधारपद सोपवण्यात आले आहे.

Team India
'Team India'साठी नववर्ष व्यस्त! वर्ल्डकप, आशिया चषक अन् द्विपक्षीय मालिकांची पर्वणी, पाहा टाईमटेबल

तसेच संघात शुभमन गिल, राहुल त्रिपाठी, शिवम मावी आणि मुकेश कुमार हे चार असे खेळाडू आहेत, ज्यांचे अद्याप आंतरराष्ट्रीय टी20 पदार्पण झालेले नाही. त्यामुळे यांच्यातील कोणाला श्रीलंकेविरुद्ध पहिल्या टी20 सामन्यात पदार्पणाची संधी मिळते, हे पाहावे लागेल.

त्यातही सलामीसाठी ईशान किशनसह शुभमन गिलला अंतिम 11 जणांच्या संघात संधी दिली जाऊ शकते. भारतीय संघाकडे ऋतुराज गायकवाडचाही सलामीसाठी पर्याय आहे. पण गिल असताना ऋतुराजला संधी दिली जाण्याची शक्यता कमी आहे. तसेच राहुल त्रिपाठीलाही पदार्पणाची संधी मिळू शकते. त्याला तिसऱ्या क्रमांकावर फलंदाजीची संधी मिळू शकते.

Team India
IND vs SL: टीम इंडियात बदलाचे वारे! निवड समितीच्या 'या' 5 निर्णयांनी दिला धक्का

तसेच मधल्या फळीत सूर्यकुमार यादव, हार्दिक पंड्या आणि संजू सॅमसन हे खेळाडू खेळतील. तसेच अष्टपैलू म्हणून अक्षर पटेललाही संधी मिळू शकते. याबरोबरच कुलदीप यादवही फिरकीची जबाबदारी सांभाळताना दिसू शकतो. तर वेगवान गोलंदाजीसाठी हर्षल पटेल, अर्शदीप सिंग आणि उमरान मलिक यांना अंतिम 11 जणांच्या संघात पसंती दिली जाऊ शकते.

पहिल्या टी20 सामन्यासाठी असा असू शकतो भारताचा संभावित 11 जणांचा संघ -

शुभमन गिल, ईशान किशन, राहुल त्रिपाठी, सूर्यकुमार यादव, हार्दिक पंड्या, संजू सॅमसन, अक्षर पटेल, कुलदीप यादव, हर्षल पटेल, अर्शदीप सिंग, उमरान मलिक.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com