India vs Sri Lanka, 2st ODI: भारत आणि श्रीलंका यांच्यातील तीन एकदिवसीय सामन्यांच्या मालिकेतील दुसरा सामना उद्या दुपारी 1.30 वाजता कोलकाता येथे खेळवला जाणार आहे. दुसरा एकदिवसीय सामना जिंकून, रोहित शर्माच्या नेतृत्वाखालील टीम इंडिया श्रीलंकेविरुद्धच्या तीन सामन्यांच्या वनडे मालिकेवर कब्जा करेल.
मालिका जिंकण्यासाठी कर्णधार रोहित शर्मा दुसऱ्या एकदिवसीय सामन्यात मोठा बदल करेल आणि प्लेइंग इलेव्हनमध्ये घातक खेळाडूला परत आणेल. हा खेळाडू दुसऱ्या वनडेत श्रीलंका संघाचा सर्वात मोठा शत्रू असल्याचेही सिद्ध होईल.
जर रोहित शर्माने (Rohit Sharma) दुसऱ्या वनडेच्या प्लेइंग इलेव्हनमध्ये या धोकादायक खेळाडूला संधी दिली तर तो आपल्या कामगिरीने श्रीलंकेच्या संघाचा नाश करु शकतो. हा धोकादायक खेळाडू दुसरा कोणी नसून चायनामन स्पिनर कुलदीप यादव आहे. श्रीलंकेविरुद्धच्या दुसऱ्या वनडेसाठी टीम इंडियाच्या प्लेइंग इलेव्हनमध्ये रोहित शर्मा कुलदीप यादवला संधी देणार आहे. एकदिवसीय क्रिकेटमध्ये 2-2 हॅट्ट्रिक घेण्याचा विक्रमही कुलदीप यादवच्या नावावर आहे.
दुसरीकडे, भारत आणि श्रीलंका यांच्यातील दुसरा एकदिवसीय सामना कोलकाता येथील ईडन गार्डन्स स्टेडियमवर खेळवला जाईल, जिथे कुलदीप यादवने त्याच्या ODI कारकिर्दीतील पहिली हॅट्ट्रिक केली होती. 21 सप्टेंबर 2017 रोजी ऑस्ट्रेलियाविरुद्ध खेळल्या गेलेल्या या एकदिवसीय सामन्यात कुलदीप यादवने हॅटट्रिक केली होती.
यादरम्यान, कुलदीप यादवने (Kuldeep Yadav) ऑस्ट्रेलियन फलंदाज मॅथ्यू वेड, अॅश्टन अगर आणि पॅट कमिन्स यांना बाद करुन वनडेतील पहिली हॅट्ट्रिक साधली. पहिल्या एकदिवसीय सामन्यात टीम इंडियाचा कर्णधार रोहित शर्माने यजुवेंद्र चहलला संधी देऊन स्वतःच्या पायावर दगड मारुन घेतला.
रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (यष्टीरक्षक), हार्दिक पांड्या, अक्षर पटेल, कुलदीप यादव, मोहम्मद सिराज, मोहम्मद शमी आणि उमरान मलिक.
पहिला एकदिवसीय, 10 जानेवारी, दुपारी 1.30 वाजता, गुवाहाटी
दुसरी वनडे, 12 जानेवारी, दुपारी 1.30 वाजता, कोलकाता
तिसरा एकदिवसीय, 15 जानेवारी, दुपारी 1.30 वाजता, तिरुअनंतपुरम
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
