India vs Sri Lanka: हवेत सूर मारत अक्षर पटेलने घेतला अप्रतिम कॅच, पाहा Video

श्रीलंकेविरुद्ध दुसऱ्या वनडेत अक्षर पटेलने घेतलेल्या शानदार कॅचने सर्वांचेच लक्ष वेधले होते.
Axar Patel took stunning catch
Axar Patel took stunning catchDainik Gomantak

India vs Sri Lanka: भारत विरुद्ध श्रीलंका यांच्यात दुसरा वनडे सामना गुरुवारी झाला. ईडन गार्डन्सवर झालेल्या या सामन्यात अक्षर पटेलने शानदार झेल घेतले. त्याच्या एका झेलाचा व्हिडिओही सध्या व्हायरल होत आहे.

या सामन्यात श्रीलंकेने नाणेफेक जिंकून प्रथम फलंदाजी करण्याचा निर्णय घेतला होता. त्यामुळे भारतीय संघ प्रथम क्षेत्ररक्षणासाठी मैदानात उतरला. यावेळी अक्षर पटेलने उत्तम क्षेत्ररक्षणाचे प्रदर्शन केले. त्याने या सामन्यात तीन झेल घेतले. यातील दोन झेल त्याने उमरान मलिकच्या गोलंदाजीवर घेतले, तर एक झेल मोहम्मद सिराजच्या गोलंदाजीवर घेतला.

यातील त्याने चमिका करुणारत्नेचा घेतलेला झेल अप्रतिम होता. त्याच्या या झेलाचे कौतुकही झाले.

(Axar Patel took stunning catch of Chamika Karunaratne)

Axar Patel took stunning catch
India vs Sri Lanka: टीम इंडियाला मिळाला खूंखार गोलंदाज, जस्सीच्या करिअरला मोठा धोका!

श्रीलंकेच्या डावातील ३४ व्या षटकात उमरान गोलंदाजी करत होता. त्याने वेगात टाकलेल्या शेवटच्या चेंडूवर करुणारत्नने मोठा फटका खेळण्याचा प्रयत्न केला.

पण पाँइंटच्या क्षेत्रात क्षेत्ररक्षण करत असलेल्या अक्षरने त्याच्या डाव्या बाजूला हवेत झेल घेतली आणि चेंडू पकडला. त्यामुळे करुणारत्नेला १७ धावांवर माघारी परतावे लागले. यापूर्वी अक्षरने या सामन्यात वनिंदू हसरंगा आणि दसून शनाका यांचेही झेल घेतले होते.

दरम्यान, अक्षरने गोलंदाजीतही त्याचे योगदान दिले. त्याने धनंजय डी सिल्वाला शुन्यावर १८ व्या षटकात त्रिफळाचीत केले होते.

Axar Patel took stunning catch
India vs Sri Lanka: हार्दिकने गमावला संयम, टीममेट्सविरुद्धच वापरले अपशब्द; Video व्हायरल

या सामन्यात अक्षर व्यतिरिक्त कुलदीप यादव आणि मोहम्मद सिराज यांनीही चांगले गोलंदाजी प्रदर्शन केले. कुलदीप आणि सिराज या दोघांनीही प्रत्येकी ३ विकेट्स घेतल्या. कुलदीपला या सामन्यासाठी भारतीय संघात युजवेंद्र चहलच्या जागेवर संधी देण्यात आली आहे.

तसेच या सामन्यात उमरान मलिकने २ विकेट्स घेतल्या. त्यामुळे श्रीलंकेचा डाव ३९.४ षटकातच २१५ धावांवर संपुष्टात आला. श्रीलंकेकडून नुवानिदू फर्नांडोने अर्धशतकी खेळी केली. विषेश म्हणजे हा त्याचा पहिलाच वनडे सामना आहे. त्याने ५० धावा केल्या. तसेच कुशल मेंडिसने ३४ आणि वालालागेने ३२ धावांची खेळी केली. या तिघांशिवाय कोणालाही ३० धावांचा टप्पा पार करता आला नाही.

दरम्यान, भारताने पहिला सामना जिंकून या मालिकेत आघाडी घेतली होती. त्यामुळे दुसरा सामना जिंकून भारताला विजयी आघाडी घेण्याची संधी होती, तर श्रीलंकेला मालिकेत बरोबरी करण्याची संधी होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com