IND vs SL: भारत की श्रीलंका, टी20मध्ये कोण वरचढ? पाहा दोन्ही संघांची आमने-सामने कामगिरी

भारत आणि श्रीलंका यांच्यातील आमने-सामने कामगिरीबद्दल जाणून घ्या.
India vs Sri Lanka
India vs Sri LankaDainik Gomantak

India vs Sri Lanka, T20I: भारत विरुद्ध श्रीलंका यांच्यात 3 जानेवारीपासून 3 सामन्यांची टी२० सामन्यांची मालिका खेळवली जाणार आहे. या मालिकेतील पहिला सामना मुंबईतील वानखेडे स्टेडियमवर होणार आहे.

त्यानंतर 5 जानेवारी रोजी पुण्यात आणि 7 जानेवारी रोजी राजकोट येथे अनुक्रमे दुसरा आणि तिसरा टी20 सामना होईल. हे तिन्ही टी20 सामने भारतीय प्रमाणवेळेनुसार संध्याकाळी 7 वाजता सुरू होणार आहेत.

India vs Sri Lanka
IND vs SL, 1st T20I: दोन खेळाडूंचं पदार्पण? अशी असू शकते टीम इंडियाची 'प्लेइंग इलेव्हन'

भारत-श्रीलंका आमने-सामने आकडेवारी

भारत आणि श्रीलंका यांच्यात आत्तापर्यंत 26 आंतरराष्ट्रीय टी20 सामने खेळवण्यात आले आहेत. यातील 17 सामन्यांत भारताने विजय मिळवला आहे. तर 8 सामने श्रीलंकेने जिंकले आहेत. त्याचबरोबर 1 सामन्याचा निकाल लागलेला नाही.

या दोन संघामध्ये शेवटचा टी20 सामना गेल्यावर्षी आशिया चषकात झाला होता. दुबईला झालेल्या या सामन्यात श्रीलंकेने 6 विकेट्सने विजय मिळवला होता.

तसेच भारत आणि श्रीलंका यांच्यात भारतात 14 आंतरराष्ट्रीय टी20 सामने खेळवण्यात आले आहेत. यातील 11 सामने भारताने जिंकले आहेत. तसेच 2 सामने श्रीलंकेने जिंकले आहेत. त्याचबरोबर 1 सामन्याचा निकाल लागलेला नाही.

India vs Sri Lanka
IND vs SL: टी-20 मालिकेतून 'या' स्टार फलंदाजाची उडणार दांडी, हार्दिक पांड्या... !

सर्वाधिक विकेट्स आणि धावा करणारे क्रिकेटर

भारत आणि श्रीलंका यांच्यात आत्तापर्यंत झालेल्या आंतरराष्ट्रीय टी20 सामन्यांमध्ये सर्वाधिक धावा आत्तापर्यंत रोहित शर्माने केल्या आहेत. त्याने श्रीलंकेविरुद्ध 19 टी20 सामन्यांत 411 धावा केल्या आहेत.

दुसऱ्या आणि तिसऱ्या क्रमांकावर अनुक्रमे शिखर धवन (375) आणि विराट कोहली (339) आहेत. तसेच श्रीलंकेकडून भारताविरुद्ध टी20मध्ये सर्वाधिक धावा दसून शनकाने केल्या आहेत. त्याने 306 धावा केल्या आहेत.

तसेच भारत आणि श्रीलंका यांच्यात आत्तापर्यंत झालेल्या आंतरराष्ट्रीय टी२० सामन्यांमध्ये सर्वाधिक विकेट्स घेणाऱ्या गोलंदाजांमध्ये 20 विकेट्ससह युजवेंद्र चहल अव्वल क्रमांकावर आहे. १६ विकेट्ससह दुश्मंता चमिरा दुसऱ्या क्रमांकावर आहे. 14 विकेट्ससह आर अश्विन तिसऱ्या क्रमांकावर आहे.

त्याचबरोबर कुलदीप यादव आणि दसून शनका यांनी प्रत्येकी 12 विकेट्स घेतल्या असून ते संयुक्तरित्या चौथ्या क्रमांकावर आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com