भारताने थॉमस कप पटकावला; कांपाल इनडोअर स्टेडियममध्ये आनंदाला उधाण

''भारताने थॉमस कप जिंकल्याची घटना रोमांचित करणारी''
kampel indore
kampel indoreDainik Gomantak

पणजी: भारताच्या पुरुष बॅडमिंटन संघाने ऐतिहासिक थॉमस कप विजेतेपद पटकाविल्यानंतर गोव्यातही जल्लोष झाला. कांपाल-पणजी येथील इनडोअर स्टेडियममध्ये राज्यातील पॅरा बॅडमिंटनपटूंनी सरावातून उसंत घेत, केक कापून विजयोत्सव साजरा केला.

kampel indore
सबज्युनियर हॉकीत उत्तर प्रदेशची झारखंडवर मात; गतविजेत्यांना धक्का

‘‘तब्बल 73 वर्षांनंतर भारताने थॉमस कप जिंकल्याची घटना रोमांचित करणारी आहे. भारतीय बॅडमिंटनसाठी निश्चितच ही ऐतिहासिक आणि सोनेरी घटना आहे. भारताने आंतरराष्ट्रीय पातळीवरील सर्वच खेळात चमक दाखवावी ही पॅरा बॅडमिंटनपटू या नात्याने माझी इच्छा आहे,’’ असे गोवा पॅरा बॅडमिंटन समितीचे सदस्य आणि खेळाडू विशांत नागवेकर यांनी सांगितले.

गोवा बॅडमिंटन असोसिएशनचे सचिव संदीप हेबळे यांनी सांगितले, की ‘‘भारताने ऐतिहासिक विजेतेपद साकार केल्यानंतर सर्वत्र आनंद, जल्लोष आणि उत्सवाचे वातावरण तयार झाले. आमच्यासोबत पॅरा खेळाडूही सहभागी झाले. केक कापण्यात आला. अभिनंदनपर गाणेही म्हणण्यात आले.’’ बँकॉक येथे रविवारी भारताने थॉमस कप स्पर्धेतील चौदा वेळच्या विजेत्या इंडोनेशियाला हरवून प्रथमच करंडकावर नाव कोरले.

kampel indore
जगभरातील 'या' पाच क्रिकेटपटूंचा रस्ते अपघातात झाला मृत्यू

‘‘या यशाची तुलना भारताच्या १९८३ मधील क्रिकेट विश्वकरंडक विजेतेपदाशी करावी लागेल,’’असे हेबळे म्हणाले. ‘‘भारतीय पुरुष बॅडमिंटन संघाने इतिहास घडविला.संपूर्ण संघाच्या परिश्रमातून जादुई कामगिरी साकारली. अब्जावधी भारतीयांचे स्वप्न साकार झाले.

तब्बल ७३ वर्षांनंतर पोडियमवर राष्ट्रीय ध्वज उंचावताना पाहणे ही उल्हसित करणारी भावना आहे. बॅडमिंटनमधील पुढील महासत्ता बनण्यासाठी भारत वेगाने प्रगती साधत आहे. हे विजेतेपद सर्व खेळाडूंना मोठे स्वप्न पाहण्यासाठी निश्चित प्रेरित करेल.’’- अनुरा प्रभुदेसाई, गोमंतकीय आंतराष्ट्रीय बॅडमिंटनपटू

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com