Hockey World Cup 2023 मध्ये भारताचा दुसरा विजय, वेल्सचा दारुण पराभव

Hockey World Cup: पुरुष हॉकी विश्वचषकाच्या 'क्रॉस-ओव्हर'साठी पात्र होण्यासाठी भारताने पूल सामन्यात वेल्सचा 4-2 असा पराभव केला, जिथे संघ FIH हॉकी विश्वचषक स्पर्धेच्या उपांत्यपूर्व फेरीत स्थान मिळवण्यासाठी न्यूझीलंडचा सामना करेल. FIH पुरुष हॉकी विश्वचषक 2023 मधील भारतीय हॉकी संघाचा हा दुसरा विजय आहे.

याआधी संघाने आपल्या पहिल्या सामन्यात स्पेनचा 2-0 असा पराभव केला होता, तर इंग्लंडविरुद्धचा सामना अनिर्णित राहिला होता. कलिंगा स्टेडियमवर झालेल्या सामन्यात भारताकडून समशेर सिंग (21वे मिनिट) आणि हरमनप्रीत सिंग (59वे मिनिट) यांनी प्रत्येकी एक गोल केला, तर आकाशदीप (32वे, 45वे मिनिट) याने दोन गोल केले.

डी पूलमध्ये पहिले स्थान मिळवण्यासाठी भारताला (India) किमान आठ गोलने विजय आवश्यक होता, मात्र यजमानांना येथे तितकीशी आक्रमकता दाखवता आली नाही.

तसेच, भारतासाठी पहिला गोल समशेर सिंगने केला. पूर्वार्धापर्यंत भारतीय संघाने दोन गोल करत आघाडी घेतली होती. परंतु तिसऱ्या क्वार्टरच्या शेवटी, वेल्सने पेनल्टी कॉर्नरमध्ये स्कोअर 2-2 असा बरोबरीत आणला. वेल्सचे दोन्ही गोल पेनल्टी कॉर्नरवरुन झाले, गॅरेथ फरलाँग (42वे मिनिट) आणि जेकब ड्रेपर (44व्या मिनिटाला) यांनी गोल करुन टीमला 2-2 असे बरोबरीत आणले.

तर, कर्णधार हरमनप्रीत सिंगने अप्रतिम मैदानी गोल केला. त्यानंतर 59 व्या मिनिटाला पेनल्टी कॉर्नरमध्ये बदल केला. भारत आणि इंग्लंड या दोघांचे तीन सामन्यांत सात गुण आहेत. परंतु चांगल्या गोल फरकामुळे इंग्लंडने पूल डी मध्ये अव्वल स्थान पटकावले आहे.

न्यूझीलंडशी भिडणार आहे

दोन्ही संघ गुणांवर बरोबरीत असूनही, कमी गोल फरकामुळे भारत दुसर्‍या स्थानावर आहे. तर त्यांना क गटात तिसऱ्या स्थानावर असलेल्या न्यूझीलंडविरुद्ध क्रॉसओव्हर सामना खेळावा लागेल. इंग्लंडने (England) थेट उपांत्यपूर्व फेरी गाठली आहे. याआधी भारताने स्पेनचा 2-0 असा पराभव केला असून इंग्लंडविरुद्ध बरोबरी साधली आहे.