इंडियन सुपर लीग: आणखी एका मोसमासाठी स्पेनमधील बचावपटू टिरी भारतात

आणखी एका मोसमासाठी स्पेनमधील बचावपटू टिरी भारतात
आणखी एका मोसमासाठी स्पेनमधील बचावपटू टिरी भारतात

पणजी:  स्पेनमधील बचावपटू टिरी (जोस लुईस एस्पिनिसो अर्रोयो) भारतात आणखी एक मोसम खेळणार आहे. इंडियन सुपर लीग (आयएसएल) फुटबॉल स्पर्धेत तो २०२०-२१ मध्ये सहावा मोसम खेळेल.

टिरी याला आगामी मोसमासाठी एटीके मोहन बागान एफसीने करारबद्ध केले आहे. या २९ वर्षीय बचावपटूने २०१५ व २०१६ मोसमात एटीकेचे प्रतिनिधित्व केले होते, नंतरचे तीन मोसम जमशेदपूर एफसीकडून खेळला होता. तो संघात असताना एटीके संघाने २०१६ मोसमात आयएसएल स्पर्धा जिंकली होती. 

स्पेनमधील लॉस बार्रियोस येथील टेरी याने युवा कारकीर्द कादिझ सीएफ संघातर्फे सुरू केली. नंतर एटलेटिको माद्रिदच्या ब संघातून खेळला. त्यानंतर त्याने भारतात खेळण्याचे ठरविले. आयएसएलमधील दोन मोसमात तो एटीके संघाकडून २४ सामने खेळला, नंतरच्या तीन मोसमात त्याने जमशेदपूरचे ४८ सामन्यांत प्रतिनिधित्व केले. या कालावधीत त्याने ६०६ क्लिअरन्स, १५७ टॅकल्स, ११७ इंटरसेप्शन्स आणि ७६ ब्लॉक्सची नोंद केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com