BCCI चा रमेश पोवारांवर पुन्हा विश्वास, महिला संघाच्या प्रशिक्षकपदी राहणार

भारतीय महिला क्रिकेट संघाचे (Indian Women's Cricket Team) प्रशिक्षक रमेश पोवार यांनी पुन्हा एकदा ही जबाबदारी स्वीकारली आहे.
BCCI चा रमेश पोवारांवर पुन्हा विश्वास, महिला संघाच्या प्रशिक्षकपदी राहणार
Indian Women's Cricket TeamDainik Gomantak

भारतीय महिला क्रिकेट संघाचे प्रशिक्षक रमेश पोवार यांनी पुन्हा एकदा ही जबाबदारी स्वीकारली आहे. मिळालेल्या माहितीनुसार, रमेश पोवार यांची पुन्हा एकदा महिला संघाच्या प्रशिक्षकपदी निवड झाली आहे. गेल्या वर्षी याच वेळी रमेश पोवार यांची संघाच्या प्रशिक्षकपदी निवड करण्यात आली होती. त्यांनी डब्ल्यूव्ही रमण यांची जागा घेतली होती. भारतीय संघ यंदाच्या आयसीसी महिला विश्वचषक स्पर्धेच्या उपांत्य फेरीतही पोहोचू शकला नाही. यानंतर व्यवस्थापनाने मोठ्या बदलांकडे लक्ष वेधले होते. त्यावेळी संघाला नवा प्रशिक्षक मिळेल असे वाटत होते, परंतु तसे झाले नाही. (Indian women's cricket team coach Ramesh Powar has once again accepted the responsibility of)

दरम्यान, डिसेंबर 2018 मध्ये, रमन यांची प्रथमच भारतीय महिला राष्ट्रीय संघाचे (Indian Women's Cricket Team) मुख्य प्रशिक्षक म्हणून नियुक्ती करण्यात आली. त्यांच्या कार्यकाळात, भारतीय महिला संघ T20 विश्वचषक-2020 च्या अंतिम फेरीत पोहोचला परंतु विजेतेपदापासून वंचित राहिला. मात्र, यानंतर संघातील वरिष्ठ खेळाडूंसोबत झालेल्या वादानंतर त्यांना पदावरुन हटवण्यात आले.

Indian Women's Cricket Team
IPL 2022: BCCI ने घेतला मोठा निर्णय, आता 'इथे' होणार दिल्ली अन् पंजाबचा सामना

बीसीसीआयने रमेश पवार यांची संघाच्या प्रशिक्षकपदी फेरनिवड केली

बीसीसीआयकडून (BCCI) मिळालेल्या अधिकृत माहितीनुसार, महिला क्रिकेट संघाचे मुख्य प्रशिक्षक रमेश पोवार (Ramesh Powar) हे त्यांच्या पदावर कायम राहणार असून त्यांचा करार एक वर्षासाठी वाढवण्यात आला आहे. दुसरीकडे, भारतीय महिला संघाने गेल्या काही महिन्यांत विशेष कामगिरी केली नाही. इंग्लंड, ऑस्ट्रेलिया (Australia) आणि न्यूझीलंडसोबत (New Zealand) खेळल्या गेलेल्या द्विपक्षीय मालिकेतही त्याला पराभवाचा सामना करावा लागला होता. असे असतानाही व्यवस्थापनाने त्यांच्यावर विश्वास ठेवला आहे. बीसीसीआयच्या एका अधिकाऱ्याने सांगितले की, "रमेश पुढील वर्षापर्यंत भारतीय महिला संघाशी प्रशिक्षक म्हणून राहतील. येत्या काही महिन्यांत महिला क्रिकेट संघाशी जवळून काम करतील."

Indian Women's Cricket Team
प्रमोशन-डिमोशन सोडा, 'या' दोन खेळाडूंना BCCI ने दिला मोठा झटका

पोवार कॉमनवेल्थची तयारी करत आहेत

पोवार यांनी यापूर्वीही या संघाचे प्रशिक्षकपद भूषवले आहे. रमेश भारतासाठी दोन कसोटी आणि 31 एकदिवसीय सामने खेळले आहेत. त्यांनी कसोटीत एकूण 6 आणि एकदिवसीय सामन्यात 34 बळी घेतले आहेत. एकदिवसीय क्रिकेटमध्ये त्यांनी अर्धशतकाच्या जोरावर 163 धावा केल्या आहेत. त्यांनी आपल्या कारकिर्दीत 148 प्रथम श्रेणी सामने खेळले ज्यात त्यांनी एकूण 470 विकेट घेतल्या. रमेश पोवार सध्या राष्ट्रकुल स्पर्धेच्या तयारीत व्यस्त आहेत. ते राष्ट्रीय क्रिकेट अकादमी आणि राष्ट्रीय निवडकर्त्यांच्या संपर्कात आहे. बर्मिंगहॅममध्ये होणाऱ्या या राष्ट्रकुल क्रीडा स्पर्धेची योजना ते तयार करत आहे. ते लवकरच बंगळुरुमध्ये विशेष शिबिर आयोजित करु शकतात.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com