INDvsENG: पुण्यातील वनडे सामन्यावेळी टेकडीवर रंगला होता सट्टेबाजीचा 'खेळ'

गोमन्तक वृत्तसेवा
शनिवार, 27 मार्च 2021

सर्‍या एकदिवसीय सामन्यात टीम इंडियाला भयंकर पराभवाचा सामना करावा लागला. पण पुण्याच्या पिंपरी चिंचवड पोलिसांना मोठे यश आले आहे. लपलेला एक गोव्याचा बुकी पकडला गेला आहे. 

पुणे: दुसऱ्या एकदिवसीय सामन्यात टीम इंडियाला मोठ्या पराभवाचा सामना करावा लागला. पण पुण्याच्या पिंपरी चिंचवड पोलिसांना मोठे यश आले आहे. सामन्यादरम्यान सट्टेबाजीत सामील असलेल्या 33 बुकींना अटक करण्यात आली आहे. एमसीए स्टेडियम जवळील उंच टेकड्यांमध्ये लपलेल्या दुर्बिणी आणि उच्च-कॅलिबर कॅमेर्‍यांसह सामने पाहताना काही लोक सट्टेबाजी करीत असल्याची माहिती पोलिसांना मुखबाराकडून मिळाली.

ही बातमी कळताच अधिकाऱ्यांनी तीन वगवेगळ्या स्वतंत्र तुकडी तयारी केल्या आणि डोंगरावर तीन ठिकाणी छापा टाकला. जिथे लपलेले बुकी पकडले गेले. "33 आरोपींपैकी 5 जण मध्य प्रदेशचे, हरियाणाचे 13, महाराष्ट्रातील 11, 2 राजस्थानमधील, 1 गोवा आणि 1 उत्तर प्रदेशचे आहेत, असे पिंपरी चिंचवडचे पोलिस आयुक्त कृष्णा प्रकाश यांनी सांगितले.

INDvsENG: वर्ल्ड कप फायनलमध्ये असे झाले असते तर? क्रिकेटविश्वात पेटला नवा वाद 

छापेमारी दरम्यान पोलिसांनी 45 लाखांची रोकड, 74 मोबाइल फोन, तीन लॅपटॉप, एक टॅबलेट, आठ एचडी कॅमेरा, दुर्बिणी आणि विदेशी चलन जप्त केले. यावेळी आरोपींकडून पोलिस पक्षावरही हल्ला करण्यात आला, परंतु खाकी वर्दीचा सावधपणा व तत्परतेसमोर गुन्हेगारांचे वाईट हेतू यशस्वी होऊ शकले नाहीत.

विराट कोहलीने हुकमी एक्का हार्दिक पांड्याला गोलंदाजी का दिली नाही? 

देशातील कोरोनाच्या वाढत्या घटनांमुळे स्टेडियममध्ये प्रेक्षकांची एंट्री बंद आहे. जरी काही प्रेक्षक स्टेडियमजवळील ऐतिहासिक घोरदेश्वर टेकडीवरून सामना पाहताना दिसले असले तरी त्यांच्यात सचिनचा सर्वात मोठा चाहता सुधीर कुमार गौतम देखील होता. तो प्रत्येक सामन्यात तेंडुलकरचा फोटो अंगावर आणि चेहऱ्यावर तिरंगा लावून पाठिंबा द्यायचा. आपल्या आवडत्या क्रिकेटपटूच्या निवृत्तीनंतर तो देश-विदेशातील टीम इंडियाच्या प्रत्येक सामन्यात स्टेडियमवर पोहोचतो. तीन सामन्यांच्या मालिकेचा अंतिम आणि निर्णायक सामना रविवारी महाराष्ट्र क्रिकेट असोसिएशनच्या याच मैदानावर खेळला जाणार आहे. सध्या मालिका  1-1 च्या बरोबरीवर उभी आहे.

संबंधित बातम्या