सूर्यकुमार यादव ट्रेंट बोल्टला म्हणतोय 'थँक्स'

‘‘वाढदिवसाच्या दिवशी झेल सोडून बोल्टने माझा पत्नीला ‘परफेक्ट गिफ्ट’ दिले आहे.’’ असे सूर्यकुमार यादवने या वेळी म्हटले आहे.
सूर्यकुमार यादव ट्रेंट बोल्टला म्हणतोय 'थँक्स'
INDvsNZ: Suryakumar Yadav said thanks to Trent BoultDainik Gomantak

पहिल्या T-20 सामन्यात सोडलेल्या त्याच्या झेलबद्दल भारताचा फलंदाज सूर्यकुमार यादवने (Suryakumar Yadav) न्यूझीलंडचा गोलंदाज ट्रेंट बोल्टचे (Trent Boult) आभार मानले आहेत. ‘‘वाढदिवसाच्या दिवशी झेल सोडून बोल्टने माझा पत्नीला ‘परफेक्ट गिफ्ट’ दिले आहे.’’ असे सूर्यकुमार यादवने या वेळी म्हटले आहे. बुधवारी जयपूरमध्ये झालेल्या पहिल्या सामन्यात भारतीय संघाचे (INDvsNZ) नवीन प्रशिक्षक म्हणून राहुल द्रविड व कर्णधार म्हणून रोहित शर्माने जबाबदारी स्वीकारल्यानंतर भारताने पाहुण्या न्यूझीलंडचा पाच विकेट्सने पराभव करीत विजयी सलामी दिली. या विजयामुळे भारताने या मालिकेत 1-0 अशी आघाडी घेतली आहे.(INDvsNZ: Suryakumar Yadav said thanks to Trent Boult)

भारताच्या विजयात सूर्यकुमार यादव आणि रोहित शर्मा यांनी मोलाची कामगिरी बजावली. सूर्यकुमार यादवने 62 आणि रोहित शर्माने 48 धावांची खेळी केली. सूर्यकुमारने 40 चेंडूत सहा चौकार आणि तीन षटकार खेचले. ज्यामुळे त्याला सामनावीर पुरस्कारही देण्यात आला. ‘‘मला सामना पूर्ण खेळायचा होता; पण तुम्ही असेच शिकता आणि पुढे जाता. आज माझ्या पत्नीचा वाढदिवस आहे, बोल्टने माझा जो झेल सोडला ते माझ्या पत्नीसाठी ‘परफेक्ट बर्थडे गिफ्ट’ होते,’’ असे सूर्यकुमारने सामन्यानंतर म्हटले आहे. सूर्यकुमार 17 व्या षटकात ट्रेंट बोल्टच्या चेंडूवर बाद झाला होता; मात्र त्याआधी 16 व्या षटकात टीम साउदीच्या गोलंदाजीवर क्षेत्ररक्षणासाठी उभा असलेल्या ट्रेंट बोल्टने सूर्यकुमारला सोपा झेल सोडून जीवदान दिले होते.

या सामन्यात रोहित बाद झाल्यावर संघाला विजय मिळवून देण्याची जबाबदारी सूर्यकुमारवर होती. त्याने षटकार ठोकून T-20 मधील तिसरे अर्धशतक पूर्ण केले. बोल्टने सूर्यकुमारचा डाव संपवला. या डावखुऱ्या गोलंदाजाने सूर्यकुमारला 144 धावांवर बाद केले. सूर्यकुमारने 40 चेंडूंचा सामना करत सहा चौकार आणि तीन षटकार ठोकले.

INDvsNZ: Suryakumar Yadav said thanks to Trent Boult
IND vs NZ: घरच्या मैदानावर टीम इंडियाने काढला वर्ल्डकपच्या पराभवाचा वचपा

न्यूझीलंडचा डाव असा होता

ओव्हरच्या तिसऱ्या चेंडूवर न्यूझीलंडला आधीच धक्का बसला. डॅरिल मिशेलला भुवनेश्वरने बोल्ड केले. त्याला खातेही उघडता आले नाही. यानंतर गप्टिल आणि चॅपमन यांनी संघाची धुरा सांभाळली. गुप्टिलने 42 चेंडूत 70 तर चॅपमनने 50 चेंडूत 63 धावा केल्या. एकेकाळी न्यूझीलंडचा संघ 180 धावा करेल असे वाटत होते परंतु रविचंद्रन अश्विनने एकाच षटकात दोन बळी घेत धावगती रोखली. अश्विनने चार षटकात 23 धावा देत भुवनेश्वर कुमारने 24 धावांत दोन बळी घेतले. पॉवरप्लेनंतर न्यूझीलंडची धावसंख्या एक बाद 41 अशी होती. दीपक चहरच्या एका षटकात 15 धावा काढल्या ज्याने अतिशय लहान लांबीचे चेंडू टाकले. हाँगकाँगमध्ये जन्मलेल्या चॅपमनने सहाव्या षटकात चहरला चौकार आणि षटकार ठोकला. दहा षटकांनंतर न्यूझीलंडची धावसंख्या एका विकेटवर 65 धावा होती. यानंतर पुढील तीन षटकांत दोन्ही फलंदाजांनी जबरदस्त धावा केल्या. चॅपमनने पुढच्याच षटकात अक्षर पटेलला एक चौकार आणि एक षटकार ठोकत 15 धावा दिल्या. यापूर्वी हाँगकाँगकडून खेळलेल्या चॅपमनने न्यूझीलंडसाठी पहिले अर्धशतक झळकावले.

INDvsNZ: Suryakumar Yadav said thanks to Trent Boult
IND vs NZ: रोहित शर्माने स्वतःच्या रिकॉर्डला मागे टाकत KL राहुल सोबत नवे स्थान मिळवले

दुसऱ्या टोकाला गप्टिलने मोहम्मद सिराजला षटकार ठोकला. 14व्या षटकात अश्विन गोलंदाजीवर परतला आणि त्याने न्यूझीलंडला दोन धक्के दिले. न्यूझीलंडची धावसंख्या 15 षटकांत 3 बाद 123 अशी होती. चॅपमन आणि ग्लेन फिलिप्सला अश्विनने पॅव्हेलियनमध्ये पाठवले. गुप्टिलने दुसऱ्या टोकाकडून धावा सुरू ठेवल्या आणि 16व्या षटकात भुवनेश्वर कुमारला डीप एक्स्ट्रा कव्हरवर षटकार ठोकला. तो 18 व्या षटकात बाद झाला, त्यामुळे न्यूझीलंड 180 धावांपर्यंत पोहोचू शकला नाही. भारताने शेवटच्या पाच षटकांत 41 धावांत तीन विकेट्स घेतल्या.

Related Stories

No stories found.
Dainik Gomantak | दैनिक गोमन्तक
www.dainikgomantak.com