IPL 2021: CSK च्या जर्सीसाठी 15 बाटल्याचा वापर; जाणून घ्या कारण

IPL 2021 Learn to use 15 bottles for CSK jersey because
IPL 2021 Learn to use 15 bottles for CSK jersey because

नवी दिल्ली: कोरोनाच्या पार्श्वभूमीवर यंदाच्या इंडियन प्रिमिअर लिगची (आयपीएल) सुरुवात होणार आहे. आयपीएलमध्ये तीन वेळा विजेतेपद पटकावलेल्या चेन्नई सुपर किंग्जने यंदाच्या पर्वासाठी आपल्या जर्सीमध्ये बदल केला आहे. 2008 मध्ये आयपीएलला सुरुवात झाल्यापासून चेन्नई संघाने पहिल्यांदाच आपल्या जर्सीमध्ये बदल केला आहे. त्यामुळे यंदाच्या आयपीएलमध्ये चेन्नईचा संघ नव्या जर्सीमध्ये दिसणार आहे. या नव्या जर्सीमध्ये भारतीय सशास्त्र दलाचा सन्मान म्हणून कॅम्पोलॉज देखील आहे. विशेष म्हणजे ही नवी जर्सी पर्यावरणाला समोर ठेवून बनवण्यात आली असून जर्सीसाठी प्लास्टिकच्या बाटल्यांचा वापर करण्यात आला आहे. या जर्सीबद्दल फ्रेंचायझीने माहिती दिली आहे.

चेन्नई सुपर किंग्जच्या एक रेप्लिका जर्सी बनवण्यासाठी 15 प्लास्टिकच्या बाटल्या रिसायकल करुन वापरल्या गेल्या आहेत. तसेच या नव्या जर्सीमध्ये    उत्तमप्रतीच्या  पॉलिस्टरचा वापर करण्यात आला असून इतरांपेक्षा 90 टक्के कमी पाणी शोषून घेते. चेन्नई सुपर किंग्ज आत्तापर्यंत दहा वेळा आयपीएलमध्य़े प्लेऑफमध्ये पोहचला होता. तेथे चेन्नईच्या संघाने अंतिम फेरीत धडक दिली होती. (IPL 2021 Learn to use 15 bottles for CSK jersey because)

चेन्नईच्या जर्सीचा रंग आधीप्रमाणे पिवळा आहे, पंरतु खांद्यावर भारतीय जवानांचा सन्मान म्हणून आर्मीचा कॅमोप्लॉजचा समावेश करण्यात आला आहे. शिवाय फ्रेंचायझीच्या लोगो च्या वरती तीन स्टार आहेत 2010, 2011, 2018 मध्य़े चेन्नई सुपर किंग्जने आयपीएलचा किताब आपल्या नावावर केला होता. नव्या जर्सीचे अनावरण करतानाचा धोनीचा एक व्हिडिओ शेअर याबाबत माहिती देण्यात आली होती.

9 एप्रिलपासून यंदाच्या आयपीएलला सुरुवात होणार आहे. तर शेवटचा अंतिम सामना 30 मे रोजी खेळवण्यात य़ेणार आहे. गेल्या वर्षी आयपीएलचे आयोजन युएईमदध्ये करण्यात आले होते. परंतु यंदा पुन्हा एकदा आयपीएलचे आयोजन भारतात करण्यात आले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com