डेव्हॉन कॉनवेने सुरेश रैनाचा मोडला विक्रम, हेडन-हसीच्या विशेष यादीत समावेश

डेव्हॉन कॉनवेने तिसरे स्थान पटकावले
डेव्हॉन कॉनवेने सुरेश रैनाचा मोडला विक्रम, हेडन-हसीच्या विशेष यादीत समावेश
ipl 2022 devon conway after 3 innings most runs for chennai super kings rcb vs cskDainik Gomantak

आयपीएल 2022 चा 49 वा सामना चेन्नई सुपर किंग्ज आणि रॉयल चॅलेंजर्स बंगलोर यांच्यात खेळला गेला. या सामन्यात चेन्नईला 13 धावांनी पराभव स्वीकारावा लागला होता. मात्र, चेन्नईच्या पराभवानंतरही संघाचा प्रतिभावान फलंदाज डेव्हॉन कॉनवे याने एक खास विक्रम आपल्या नावावर केला. त्याने सुरेश रैनाला मागे टाकत मॅथ्यू हेडन आणि मायकेल हसीच्या खास यादीत स्थान मिळवले. (ipl 2022 devon conway after 3 innings most runs for chennai super kings rcb vs csk)

चेन्नईसाठी 3 सामने खेळल्यानंतर सर्वाधिक धावा करण्याच्या बाबतीत कॉनवे तिसऱ्या स्थानावर पोहोचला आहे. त्याने 3 सामन्यात 144 धावा केल्या आहेत. तर सुरेश रैनाने 3 सामन्यांनंतर 113 धावा केल्या. त्यामुळे ते चौथ्या स्थानावर पोहोचले आहेत. या बाबतीत हेडन पहिल्या स्थानावर आहे. हेडनने 176 धावा केल्या आहेत. तर हसी दुसऱ्या स्थानावर आहे. त्याने 3 सामने खेळून 168 धावा केल्या. कॉनवे हा चेन्नईचा प्रतिभावान खेळाडू असून त्याने तिसरे स्थान पटकावले आहे.

ipl 2022 devon conway after 3 innings most runs for chennai super kings rcb vs csk
विराट कोहलीने एमएस धोनीला केली शिवीगाळ? व्हिडीओ व्हायरल

हे लक्षात घेण्यासारखे आहे की न्यूझीलंडचा खेळाडू कॉनवेची मूळ किंमत 1 कोटी रुपये होती. चेन्नईच्या फ्रँचायझीने त्याला 2022 च्या आयपीएल लिलावात केवळ एक कोटी रुपयांना विकत घेतले. त्याचा आयपीएलचा हा पहिलाच हंगाम आहे. यामध्ये तो केवळ 3 सामने खेळला आहे. यादरम्यान कॉनवेने 2 अर्धशतके झळकावली आहेत. नाबाद 85 ही त्याची सर्वोत्तम धावसंख्या आहे. कॉनवेने या तीन सामन्यांमध्ये 14 चौकार आणि 6 षटकार मारले आहेत. येत्या सामन्यांमध्ये चेन्नईला कॉनवेकडून अधिक अपेक्षा असतील.

सीएसकेसाठी 3 डावांनंतर सर्वाधिक आयपीएल धावा -

176 - मॅथ्यू हेडन

168 - मायकेल हसी

144 - डेव्हॉन कॉन्वे

113 - सुरेश रैना

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.