IPL 2023: मुंबई इंडियन्सने 'माती' खाल्ली, SKY च्या विकेटने फिरली मॅच; लखनऊ जायंट्सने मारली बाजी

IPL 2023 च्या 63 व्या सामन्यात लखनऊ सुपर जायंट्सने मुंबई इंडियन्सचा 5 धावांनी पराभव केला आहे.
Lucknow Super Giants
Lucknow Super GiantsDainik Gomantak

IPL 2023 च्या 63 व्या सामन्यात लखनऊ सुपर जायंट्सने मुंबई इंडियन्सचा 5 धावांनी पराभव केला. पहिल्यांदा फलंदाजी करताना लखनऊने 20 षटकांत तीन गडी गमावून 177 धावा केल्या.

प्रत्युत्तरात मुंबई इंडियन्सचा संघ 20 षटकांत 5 गडी गमावून 172 धावाच करु शकला. मुंबईकडून ईशान किशनने (Ishan Kishan) सर्वाधिक 59 धावा केल्या. तर लखनऊकडून यश ठाकूर आणि रवी बिश्नोई यांनी प्रत्येकी 2-2 बळी घेतले.

दरम्यान, 178 धावांच्या लक्ष्याचा पाठलाग करताना मुंबई इंडियन्सची दमदार सुरुवात झाली. रोहित आणि ईशानने पहिल्या विकेटसाठी 95 धावांची भागीदारी केली.

रोहित 25 चेंडूत 37 धावा करुन बाद झाला. या खेळीत त्याने तीन षटकार आणि एक चौकार लगावला. काही वेळाने ईशान किशनही आऊट झाला. त्याने 39 चेंडूत 58 धावा केल्या.

Lucknow Super Giants
IPL 2023 Playoff equation: गुजरातचं स्थान पक्कं! आता प्लेऑफच्या 3 जागांसाठी 7 संघात शर्यत, पाहा समीकरण

तर दुसरीकडे, सूर्यकुमार स्वस्तात पॅव्हेलियनमध्ये परतला. त्याने 9 चेंडूत 7 धावा केल्या. तर, नेहल वढेरा 20 चेंडूत 16 धावा करुन बाद झाला.

मुंबईला शेवटच्या दोन षटकात 30 धावांची गरज होती. संघाने 19व्या षटकात 19 धावाही केल्या. अखेरच्या षटकात संघाला विजयासाठी 11 धावांची गरज होती. मात्र मोहसीन खानने आपल्या षटकात केवळ पाच धावा दिल्या.

Lucknow Super Giants
IPL 2023: हैदराबादविरुद्ध गुजरात संघात मोठे बदल, 'हा' खेळाडू संघाबाहेर, शनकाचे पदार्पण, पाहा Playing XI

दुसरीकडे, मार्कस स्टॉयनिसच्या दमदार 89 धावांच्या जोरावर लखनऊ सुपर जायंट्सने पहिल्यांदा फलंदाजी करताना 20 षटकांत 3 गडी बाद 177 धावा केल्या. लखनऊकडून मार्कस स्टॉयनिसने 47 चेंडूत 89 धावा केल्या.

तर मुंबई इंडियन्सकडून (Mumbai Indians) जेसन बेहरेनडॉर्फने 2 आणि पियुष चावलाने 1 बळी घेतला. लखनऊने शेवटच्या पाच षटकांत 69 धावा केल्या. नाणेफेक हारल्यानंतर पहिल्यांदा फलंदाजी करणार्‍या लखनऊ सुपर जायंट्सची सुरुवात खराब झाली.

त्याचबरोबर, पॉवरप्लेमध्येच लखनऊने दोन गडी गमावले होते. जेसन बेहरेनडॉर्फने दीपक हुडा आणि प्रेरक मांकडला पॅव्हेलियनमध्ये पाठवले.

क्विंटन डिकॉकही 7व्या षटकात 16 धावा काढून बाद झाला. यानंतर कर्णधार कृणाल पांड्या आणि मार्कस स्टॉयनिस यांनी डाव सांभाळला आणि चौथ्या विकेटसाठी अर्धशतकी भागीदारी केली.

मात्र, 49 च्या वैयक्तिक स्कोअरवर क्रुणाल रिटायर्ड हर्ट झाला. पण दुसऱ्या टोकाकडून मार्कसने आपले अर्धशतक पूर्ण केले आणि धडाकेबाज फलंदाजी सुरुच ठेवली.

तसेच, पुरणने 8 धावा केल्या. मार्कस स्टॉयनिसने 47 चेंडूत 89 धावा केल्यानंतर नाबाद राहिला. आपल्या खेळीत त्याने 8 षटकार आणि 4 चौकार लगावले. या पराभवानंतर मुंबई 14 गुणांसह गुणतालिकेत चौथ्या स्थानावर आहे, तर लखनऊ या सामन्यानंतर 15 गुणांसह तिसऱ्या स्थानावर पोहोचला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com