Cricket Tournament: गोव्याच्या स्नेहल, सिद्धेशचा जबदरस्त धडाका

पावसामुळे सामना अर्धवट, मात्र गोव्याची फलंदाजीत चमक
J. P. Atreya Karandak
J. P. Atreya Karandak Dainik Gomantak

पणजी: पंजाबमधील मोहाली येथे पावसामुळे जे. पी. अत्रेय करंडक एकदिवसीय क्रिकेट स्पर्धेतील (ODI Cricket Tournament) गोव्याचा प्लेयर्स अकादमी दिल्लीविरुद्धचा सामना अर्धवट राहिला, मात्र फलंदाजीची संधी साधताना स्नेहल कवठणकर आणि मुंबईकर ‘पाहुणा’ सिद्धेश लाड यांनी जबरदस्त धडाका प्रदर्शित केला.

J. P. Atreya Karandak ODI Cricket Tournament Goa Players Academy played

J. P. Atreya Karandak
IND Vs AUS: दुसऱ्या T20 साठी टीम इंडियात या विस्फोटक खेळाडूची अचानक एन्ट्री!

स्नेहलने 79 चेंडूंत 4 चौकार व 6 षटकारांच्या मदतीने नाबाद 90 धावा केल्या. सिद्धेशनेही आक्रमक फलंदाजी केली. त्याने अवघ्या 55 चेंडूंत 7 चौकार व 4 षटकारांच्या मदतीने नाबाद 80 धावा केल्या. या दोघांनी तिसऱ्या विकेटसाठी 149 धावांची अभेद्य भागीदारी केली. त्यामुळे गोव्याने प्रथम फलंदाजी करताना 33 षटकांत 2 बाद 227 धावा केल्या. त्यानंतर दिल्लीच्या (Delhi )संघाची 9 षटकांत 3 बाद 62 अशी स्थिती असताना सामना पावसामुळे रद्द करावा लागला.

J. P. Atreya Karandak
Cricketers: तुम्हाला माहितीये का? निवृत्तीनंतर हे 5 खेळाडू पुन्हा मैदानात परतले होते

वारंवार पावसाचा अडथळा आलेल्या या सामन्यात गोव्याने कर्णधार अमोघ देसाई (3) याला लवकर गमावले. त्यानंतर स्नेहलने कश्यप बखले (39) याच्यासमवेत दुसऱ्या विकेटसाठी 61 धावांची भागीदारी केली. कश्यप बाद झाल्यानंतर सिद्धेशने स्नेहलच्या साथीत दिल्लीतील अकादमी गोलंदाजांवर जोरदार हल्ला चढविला. गोव्याचा स्पर्धेतील पुढील सामना पेट्रोलियम क्रीडा मंडळाविरुद्ध खेळला जाईल.

संक्षिप्त धावफलक

गोवा क्रिकेट असोसिएशन : 33 षटकांत 2 बाद 227 (अमोघ देसाई 3, स्नेहल कवठणकर नाबाद 90, कश्यप बखले 39, सिद्धेश लाड नाबाद 80, अर्जुन राप्रिया 1-49, यशजीत 1-27) विरुद्ध प्लेयर्स अकादमी इलेव्हन दिल्ली : 9 षटकांत 3 बाद 62 (सनत सांगवान 24, वेदांश सिओतिया 18, अर्जुन तेंडुलकर 3-0-26-0, शुभम तारी 3-0-21-1, फेलिक्स आलेमाव 2-0-8-2, अमित यादव 1-0-3-0).

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com