पणजी: एफसी गोवा संघ रिलायन्स फाऊंडेशन डेव्हलपमेंट लीग फुटबॉल स्पर्धेत विजयी उसळी घेण्यास इच्छुक आहे, पण रविवारी (ता. 24) त्यांना जमशेदपूरच्या तुल्यबळ आव्हानास सामोरे जावे लागेल. सामना नागोवा येथील मैदानावर होईल.
एफसी गोवाच्या खाती सध्या दोन लढतीतून तीन गुण आहेत. चेन्नईयीनला नमविल्यानंतर एफसी गोवास मागील लढतीत बंगळूर एफसीकडून हार पत्करावी लागली. जमशेदपूरने दोन लढतीतून चार गुणांची कमाई केली आहे. मुंबई सिटीला नमविल्यानंतर मागील लढतीत त्यांनी भरपाई वेळेतील गोलमुळे चेन्नईयीन एफसीला गोलबरोबरीत रोखले.
बाणावली येथे रविवारी बंगळूर एफसी सलग तिसऱ्या विजयासाठी प्रयत्नशील असेल. ते हैदराबाद एफसीविरुद्ध खेळतील. आरएफ यंग चँप्स व एफसी गोवाला हरवून बंगळूरने सहा गुणांची कमाई केली आहे. त्यांच्या बेके ओरम व राहुल राजू यांनी प्रत्येकी दोन गोल केले आहेत. हैदराबादच्या खाती तीन गुण आहेत. केरळा (Kerala) ब्लास्टर्सकडून हार पत्करल्यानंतर हैदराबादच्या संघाने मागील सामन्यात आरएफ यंग चँप्सला नमवून स्पर्धेतील पहिला विजय नोंदविला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
