International Windsurfing Cup स्पर्धेत गोव्याची शान; कात्या कुएल्होने जिंकले 'रौप्य'

International Windsurfing Cup: कात्या कुएल्हो हिने थायलंडमधील पट्टाया येथे रविवारी झालेल्या आंतरराष्ट्रीय विंडसर्फिंग कप स्पर्धेत आयक्यू (विंड) फॉईलमध्ये रौप्यपदक मिळविले.
Katya Cuelho
Katya CuelhoDainik Gomantak

पणजी: गोव्याची प्रमुख सेलर कात्या कुएल्हो हिने थायलंडमधील पट्टाया येथे रविवारी झालेल्या आंतरराष्ट्रीय विंडसर्फिंग कप स्पर्धेत आयक्यू (विंड) फॉईलमध्ये रौप्यपदक मिळविले. असा पराक्रम करणारी ती पहिली भारतीय महिला विंडसर्फर ठरली.

दरम्यान, पुढील वर्षी चीनमधील (China) हँगझोऊ येथे होणाऱ्या आशियाई क्रीडा स्पर्धेसाठी कात्या हिने यापूर्वीच भाऊ डेन कुएल्हो याच्यासह पात्रता मिळविली आहे. ती सलग दुसऱ्यांदा आशियाई स्पर्धेत भाग घेईल. यापूर्वी २०१८ मधील जकार्ता येथील आशियाई क्रीडा स्पर्धेत ती सहभागी झाली होती. याशिवाय २०१४ साली चीनमधील नँजिंग येथे झालेल्या यूथ ऑलिंपिकमध्येही (Olympics) तिने भारताचे प्रतिनिधित्व केले होते. आशियाई क्रीडा स्पर्धा आणि यूथ ऑलिंपिकमध्ये सहभागी होणारी ती एकमेव भारतीय महिला विंडसर्फर आहे.

Katya Cuelho
'क्या फेकता है', मुलतानच्या सुलतानने Neeraj Chopra वर उधळली स्तुतीसुमने

पात्रता स्पर्धेत अव्वल

यावर्षी मे महिन्यात मुंबईत (Mumbai) झालेल्या भारतीय यॉटिंग असोसिएशनच्या आशियाई क्रीडा स्पर्धा पात्रता फेरीत कात्या हिने आयक्यू फॉईल प्रकारात अव्वल क्रमांक मिळविला होता. गोवा यॉटिंग असोसिएशनने दिलेल्या माहितीनुसार, थायलंडमधील स्पर्धेसाठी कात्या हिला गोवा क्रीडा प्राधिकरणाचे सहकार्य लाभले, यामध्ये स्पर्धा सहभाग आणि १५ दिवसीय प्रशिक्षण अनुदानाचा समावेश होता. आशियाई क्रीडा स्पर्धेच्या तयारीनिमित्त तिच्यासाठी पट्टाया येथील स्पर्धा खूप महत्त्वाची होती, कारण या स्पर्धेतील आयक्यू फॉईल शर्यतीत आशियाई स्पर्धेत पात्र ठरलेले इतर देशातील स्पर्धकही सहभागी झाले होते. ऑगस्ट महिन्यात नेदरलँड्समध्ये जागतिक सेलिंगतर्फे घेण्यात येणाऱ्या एमर्जिंग नेशन्स प्रोग्रॅमअंतर्गत प्रशिक्षण शिबिरात कात्या भाग घेईल.

Katya Cuelho
'IPL जगातील बेस्ट लीग', या ऑस्ट्रेलियन खेळाडूने पाक मीडियासमोर उधळली स्तुतीसुमने

क्रीडामंत्र्यांचे मानले आभार

पट्टायातील रुपेरी कामगिरीनंतर कात्याने सहकार्याबद्दल सोशल मीडियाद्वारे क्रीडामंत्री गोविंद गावडे, गोवा (Goa) क्रीडा प्राधिकरण आणि गोवा यॉटिंग असोसिएशनचे आभार मानले. कात्या हिने आंतरराष्ट्रीय कारकिर्दीत १३ वेळा राष्ट्रीय पदक, २ वेळा आशियाई ब्राँझपदक जिंकले आहे. क्रीडापटूंच्या आर्थिक अनुदान योजनेसाठी तिने गोवा क्रीडा प्राधिकरणाकडे अर्ज केला असून प्रक्रिया सुरू आहे, अशी माहिती गोवा यॉटिंग असोसिएशनतर्फे देण्यात आली. आशियाई स्पर्धेसाठी तयारी करताना कात्या सध्यातरी सरकारी आर्थिक मदतीच्या प्रतीक्षेत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com