Asia Cup 2022: आशिया चषक 2022 च्या स्पर्धेत अफगाणिस्तानविरुद्धचा सामना भारताने 101 धावांनी जिंकला. याच सामन्यात विराट कोहलीने आपले 71 वे आंतरराष्ट्रीय शतक झळकावले. T20 मध्ये पहिले शतक झळकावताना विराटने आपल्या हटक्या स्टाईलमध्ये शतकाचा दुष्काळ संपवला. हा सामना भारताचा माजी कर्णधार विराट कोहलीसाठी जेवढा संस्मरणीय होता, तितकाच तो भारताला अभिमान मिळवून देणारा होता. विराटच्या शतकाचा आनंदोत्सव भारतीय चाहत्यांबरोबर त्याच्या जगभरातील चाहत्यांनीही साजरा केला. यामध्ये त्याच्या पाकिस्तानी चाहत्यांचाही समावेश होतो. कोहलीने शतकानंतर लगेचच त्याच्या पाकिस्तानी चाहत्याला ऑटोग्राफ दिला.
दरम्यान, पत्रकार विमल कुमार यांच्याशी त्यांच्या यूट्यूब चॅनेलवर बोलताना, चाहत्याने कोहलीकडून ही अमूल्य भेट कशी मिळवली याचा खुलासा केला. तो म्हणाला, 'क्रिकेट स्टार्संनी ऑटोग्राफ दिलेल्या बॅट्सचा संग्रह करण्याचा मला छंद आहे. या स्टार्संनी ऑटोग्राफ केलेली भेट कायमच माझ्यासोबत राहील.'
पाकिस्तानी चाहत्याने पुढे सांगितले की, 'मी 8-9 वर्षांपासून क्रिकेट स्टार्सकडून ऑटोग्राफ केलेल्या बॅटचा संग्रह करत आहे.'
दुसरीकडे, कोहलीच्या सुंदर शतकानंतर टीम इंडियाने (Team India) आशिया चषक स्पर्धेतील आपली मोहीम आनंदाने संपवली. सुपर 4 टप्प्यात पाकिस्तान (Pakistan) आणि श्रीलंकेविरुद्ध (Sri Lanka) पराभूत झाल्याने भारतीय संघ स्पर्धेतून बाहेर पडला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
