Krunal Pandya अन् पंखुरी शर्माच्या घरी आला छोटा पाहुणा, जाणून घ्या काय ठेवले नाव

Krunal Pandya: भारतीय संघातील अष्टपैलू खेळाडू कृणाल पंड्या आणि पंखुरी शर्मा यांच्या घरी एक छोटा पाहुणा आला आहे.
Krunal Pandya & Pankhuri Sharma
Krunal Pandya & Pankhuri SharmaDainik Gomantak

Krunal Pandya & Pankhuri Sharma: भारतीय संघातील अष्टपैलू खेळाडू क्रुणाल पंड्याच्या घरी छोट्या पाहुण्याचे आगमन झाले आहे. क्रुणाल बाप झाला आहे. याचा खुलासा खुद्द क्रुणाल पांड्याने सोशल मीडियाच्या माध्यमातून केला. विशेष म्हणजे, त्याने मुलाचे नावही सांगितले आहे. देशांतर्गत क्रिकेट आणि आयपीएलमध्ये शानदार कामगिरी करुनही टीम इंडियातून बाहेर पडणाऱ्या क्रुणाल पंड्याने ट्विटरच्या माध्यमातून बाप झाल्याची गूडन्यूज दिली आहे.

दरम्यान, क्रुणाल पांड्याने (Krunal Pandya) पत्नी पंखुरी शर्मासोबत (Pankhuri Sharma) त्याच्या मुलाचे दोन फोटो शेअर केले आहेत. एका फोटोत क्रुणाल आणि पंखुरी आपल्या मुलाचे चुंबन घेताना दिसत आहे, तर दुसऱ्या फोटोत कृणाल आणि पंखुरी त्याचे कौतुक करताना दिसत आहेत. यामध्ये त्यांनी मुलाचे नाव ‘कवीर क्रुणाल पंड्या’ असे लिहिले आहे. क्रुणालने ग्लोबचा एक इमोजीही शेअर ठेवला आहे, ज्याला तो त्याचे जग मानतो असे म्हणता येईल.

Krunal Pandya & Pankhuri Sharma
HBD Hardik Pandya: पदार्पण सामन्यातच धोनीने हार्दीकचा घेतला होता 'क्लास'

दुसरीकडे, क्रुणाल पांड्या आणि मॉडेल पंखुरी शर्मा यांनी 27 डिसेंबर 2017 रोजी लग्न केले होते. जवळपास पाच वर्षांनंतर ते पालक बनले आहेत. तुम्हाला हे जाणून आश्चर्य वाटेल की, पंखुरीला क्रिकेट (Cricket) पाहणे आवडत नाही. परंतु ती क्रुणाल पांड्याचे सर्व सामने पाहते. क्रुणाल पांड्याने 2018 मध्ये T20 आंतरराष्ट्रीय क्रिकेटमध्ये (T20 International Cricket) पदार्पण केले. त्यानंतर त्याने 19 टी-20 आणि 5 एकदिवसीय सामने खेळले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com