IPL 2023 Chennai Super Kings: एमएस धोनीच्या नेतृत्वाखाली चॅम्पियन संघ चेन्नई सुपर किंग्जला इंडियन प्रीमियर लीगच्या पुढील हंगामापूर्वी मोठा धक्का बसला आहे. सीएसकेचा एक मोठा सामना विजेता खेळाडू जखमी झाला आहे. या खेळाडूवर दुखापतीमुळे आगामी मोसमातून बाहेर जाण्याचाही धोका आहे.
न्यूझीलंड (New Zealand) संघाला 16 फेब्रुवारीपासून इंग्लंडविरुद्ध दोन सामन्यांची कसोटी मालिका खेळायची आहे. वेगवान गोलंदाज काइल जॅमीसन या मालिकेतून बाहेर आहे. पुन्हा एकदा त्याला स्ट्रेस फ्रॅक्चरची समस्या सांगितली जात आहे. तो शेवटचा जून 2022 मध्ये बाहेर खेळताना दिसला होता. तो आयपीएलमधील (IPL) चेन्नई सुपर किंग्ज संघाचाही एक भाग आहे. काइल जॅमीसन पुन्हा एकदा दुखापतीमुळे दीर्घकाळ क्रिकेटपासून दूर राहू शकतो.
काइल जॅमीसनबद्दल बोलताना न्यूझीलंडचे मुख्य प्रशिक्षक गॅरी स्टेड म्हणाले की, 'काइल जॅमीसनसाठी हे खूप कठीण जाणार आहे. कारण त्याने पुन्हा मैदानात उतरण्यासाठी खूप मेहनत घेतली. गतवर्षी काईलला इंग्लंडसमोर दुखापत झाली होती आणि आता पुन्हा एकदा त्याच संघासमोर त्याला या प्रकरणाला सामोरे जावे लागले आहे. त्यानंतर त्याला परत जावे लागले.'
गॅरी स्टीड म्हणाले की, 'काईल जेमिसनला कोणत्याही प्रकारचा त्रास जाणवत नाहीये. त्याला स्ट्रेस फ्रॅक्चर झाल्याचे स्पष्ट झाले आहे, त्यामुळे तो आज क्राइस्टचर्चला परतणार आहे. शुक्रवारी त्याचे सीटी स्कॅन करण्यात येणार आहे.'
तसेच, 28 वर्षीय काईल जॅमीसनने आतापर्यंत न्यूझीलंडकडून 16 कसोटी सामने, 8 एकदिवसीय सामने आणि 8 टी-20 सामने खेळले आहेत. त्याने आयपीएलमध्ये 9 सामनेही खेळले आहेत. काइल जॅमीसन हा चेंडू तसेच बॅटने सामने बदलण्यासाठी ओळखला जातो.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
