Lionel Messi vs Cristiano Ronaldo: लिओनेल मेस्सीने 1000 व्या सामन्यात क्रिस्तियानो रोनाल्डोला टाकले मागे

क्वार्टर फायनलमध्ये अर्जेंटिना नेदरलँडशी भिडणार
Lionel Messi vs Cristiano Ronaldo
Lionel Messi vs Cristiano RonaldoDainik Gomantak

Lionel Messi vs Cristiano Ronaldo: फिफा फुटबॉल वर्ल्डकपमधील राऊंड ऑफ-16 च्या थराराला सुरवात झाली आहे. या राऊंडमधील दुसऱ्या सामन्यात अर्जेंटिनाने ऑस्ट्रेलियाला पराभूत करत क्वार्टर फायनल फेरी गाठली. हा सामना अर्जेंटिनाचा स्टार फुटबॉलपटू लिओनेल मेस्सी याचा 1000 वा सामना होता. यात मेस्सीने गोल नोंदवत पोर्तुगालचा स्टार खेळाडू क्रिस्तियानो रोनाल्डो याला मागे टाकले आहे. (Fifa World Cup 2022)

Lionel Messi vs Cristiano Ronaldo
Pele: 'आय ऍम स्ट्राँग!', हॉस्पिटलमध्ये असलेल्या पेले यांच्या पोस्टने चाहत्यांना दिलासा

अर्जेंटिना संघाने या सामन्यात ऑस्ट्रेलियाला 2-1 अशी मात दिली. या नॉकआऊट सामन्यात मेस्सीचे योगदान महत्वाचे राहिले. मेस्सीने 35 व्या मिनिटालाच गोल करत आघाडी मिळवून दिली होती. या गोलमुळे फुटबॉल वर्ल्डकपमध्ये स्वतःच्या संघाकडून सर्वाधिक गोल करणारा खेळाडू ठरला आहे.

मेस्सीचा हा वर्ल्डकपमधील 9 वा गोल आहे. त्याने अर्जेंटिनाचाच फुटबॉलस्टार दिएगो मॅरोडोना यांना मागे टाकले आहे. मॅराडोना यांनीही अर्जेंटिनाकडून 8 गोल नोंदवले आहेत. विशेष म्हणजे, नॉकआऊट मॅचमध्ये मेस्सीने पहिल्यांदाचा गोल नोंदवला आहे. मेस्सीने पोर्तुगालचा खेळाडू क्रिस्तियानो रोनाल्डोलादेखील मागे टाकले आहे. रोनाल्डोने पोर्तुगालकडून खेळताना वर्ल्डकपमध्ये 8 गोल नोंदवले आहेत.

Lionel Messi vs Cristiano Ronaldo
FIFA World Cup 2022 : जर्मनीच्या एक्झिटनंतर कतारमधील टीव्ही प्रेझेंटेटर्सनी उडवली खिल्ली, पाहा Video

दरम्यान, राऊंड ऑफ 16 मध्ये ऑस्ट्रेलियाला पराभूत केल्यानंतर आता क्वार्टर फायनलमध्ये अर्जेंटिनाचा सामना नेदरलँडशी होणार आहे. राऊंड ऑफ 16 च्या पहिल्या सामन्यात नेदरलँडने अमेरिकेला पराभूत केले होते. अर्जेंटिना विरूद्ध नेदरलँड सामना 9 डिसेंबर रोजी होणार आहे. त्यातील विजेता संघ सेमीफायनलमध्ये जाईल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com