मास्टर ब्लास्टरला हट्टामुळे गमवावा लागला असता जीव, असायं 'तो' किस्सा

मीडियामध्ये आपल्या वैयक्तिक आयुष्याशी संबंधित प्रश्नांवर अनेकदा मौन बाळगणाऱ्या किंवा हसून टाळणाऱ्या सचिन तेंडुलकरने त्याच्या 'प्लेइंग इट माय वे' (Playing It My Way) या पुस्तकात आपल्या मनातील सर्व काही खुलेपणाने सांगितले. सचिनने आपल्या पुस्तकात एका घटनेचा उल्लेख केला आहे, जो तो कधीही विसरू शकत नाही. सचिनने (Sachin Tendulkar) लिहिले की, 'लहानपणी प्रत्येक मुलाप्रमाणे मीही नवीन सायकल घेण्यासाठी हट्ट करायचो. मी माझ्या वडिलांना (रमेश तेंडुलकर, मराठी कवी) सांगितले असते तर त्यांनी ते टाळले असते. ते पुन्हा पुन्हा टाळत राहिल्यावर माझी नाराजी वाढली. तेव्हा मी बाहेर खेळायला गेलो नाही. बाल्कनीत उभा राहून मी माझ्या मित्रांना सायकल चालवताना पाहत असे. एके दिवशी माझे डोके बाल्कनीच्या ग्रीलमध्ये अडकले. आणि मग काय...सगळे घाबरले.' (Sachin Tendulkar Birthday)

सचिनचे डोके ग्रीलमध्ये अडकले होते

'माझ्या आई-वडिलांसाठी हा एक भयानक अनुभव होता. मी चौथ्या मजल्यावर होतो. बाल्कनी लहान असल्याने आणि त्यात ग्रीलही लहान असल्याने मला ते वरून दिसत नव्हते. म्हणून मी बाहेर खेळत असलेल्या माझ्या मित्रांना पाहण्यासाठी ग्रीलमध्ये डोके ठेवले. मी बाहेर बघत राहिलो पण डोकं काढायला लागलो तेंव्हा मला ते बाहेर काढता येत नव्हते, माझे डोके ग्रीलमध्ये फसले होते. मी 30 मिनिटं त्यात अडकलो होतो. माझे कुटुंबीय खूप अस्वस्थ झाले. खूप प्रयत्नांनंतर आईने माझ्या डोक्यावर खूप तेल ओतून माझे डोके ग्रीलमधून बाहेर काढले.'असा हा अनूभव सचिनने आपल्या 'प्लेइंग इट माय वे' या पुस्तकात शेअर केला आहे.

घरचे लोक खूप अस्वस्थ झाले

यानंतरची परिस्थिती सांगताना सचिनने लिहिले की, 'माझ्या या कृतीमुळे कुटुंबातील सर्व सदस्य नाराज झाले. वडिलांना काळजी वाटत होती की, मला आता सायकलशिवाय दुसरं काही करायला सुचणार नाही. त्यांनी कुठूनतरी पैसे गोळा करून मला नवीन सायकल दिली. पण सायकल घरी आल्यावर सोबत एक अडचणही आणली. नवीन सायकल चालवताना माझा अपघात झाला. मला जखमा झाल्या. वडील पुन्हा चिडले. त्यांना राग आला, आणि ते म्हणाले आता तुझी तब्येत बरी होत नाही तोपर्यंत तुला सायकल मिळणार नाही.'

सचिन तेंडुलकर आज 24 एप्रिल 2022 रोजी त्याचा 49 वा वाढदिवस साजरा करत आहे. मुंबईत जन्मलेल्या या छोट्या खेळाडूने आपल्या कारकिर्दीत इतके मोठे विक्रम केले आहेत की त्याच्याशी बरोबरी करणे अनेक खेळाडूंना स्वप्नातच जमणार आहे. वयाच्या 16 व्या वर्षी पाकिस्तानविरुद्ध क्रीझवर आलेल्या सचिनने 24 वर्षे मैदानावर आगपाखड केली. क्रिकेटचा देव म्हटल्या जाणार्‍या सचिन तेंडुलकरच्या आयुष्यात असे अनेक प्रसंग आले, जेव्हा त्याने क्रिकेटवरील प्रेम आणि कौतुक जगासमोर मांडले. भारतातील क्रिकेटचा चाहतावर्ग वेगळा आहे. इथे क्रिकेट हा केवळ लोकांचा छंदच नाही तर अनेकांचे स्वप्न आणि अनेकांचे प्रेमही आहे. भारताचा माजी क्रिकेटपटू सचिन तेंडुलकर हा क्रिकेटच्या या वेड्या चाहत्यांपैकी एक आहे.