पणजी : ओडिशा एफसी आणि ईस्ट बंगाल यांच्यात सातव्या इंडियन सुपर लीग (आयएसएल) फुटबॉल स्पर्धेत शनिवारी (ता. 27) होणारा सामना केवळ औपचारिकता असेल. ओडिशाने विजय नोंदविला, तरीही त्यांच्या शेवटच्या अकराव्या क्रमांकात फरक पडणार नाही.
ओडिशा व ईस्ट बंगाल यांच्यातील सामना बांबोळी येथील जीएमसी स्टेडियमवर होईल. दोन्ही संघांची ही स्पर्धेतील शेवटची लढत असल्यामुळे विजयी समारोप करण्यात ते इच्छुक असतील. ईस्ट बंगालने 19 लढतीतून 17 गुणांची कमाई केली असून ते सध्या नवव्या क्रमांकावर आहेत. ओडिशाला नमविल्यास त्यांना गुणतक्त्यात चेन्नईयीन एफसीला (20 गुण) गाठणे शक्य होईल. आयएसएलमधील पदार्पणात खराब सुरवातीनंतर कोलकात्यातील संघाने आतापर्यंत तीन सामने जिंकले आहेत.
ओडिशाची स्पर्धेतील कामगिरी अतिशय निराशाजनक आहे. 19 लढतीत त्यांना फक्त एकच सामना जिंकता आला. तब्बल 12 पराभवाची नामुष्की त्यांच्यावर आली असून सर्वाधिक 39 गोल त्यांनी स्वीकारले आहेत. ओडिशाचे फक्त नऊ गुण असून ते तळात आहेत. त्यांचा मागील लढतीत मुंबई सिटीने 6 - 1 फरकाने धुव्वा उडविला होता. स्पर्धेच्या पहिल्या टप्प्यात ईस्ट बंगालने वास्को येथे ओडिशा एफसीला 3 - 1 फरकाने हरविले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.