Mohammed Siraj Record: सिराजचा बंजरंगी पराक्रम, शानदार रेकॉर्डला घातली गवसणी

Mohammed Siraj: मोहम्मद सिराज गेल्या काही काळापासून चांगली कामगिरी करत आहे. त्याने आपल्या गोलंदाजीच्या जोरावर टीम इंडियाला अनेक सामने जिंकून दिले.
Mohammad Siraj
Mohammad Siraj Dainik Gomantak

Mohammed Siraj Record: मोहम्मद सिराज गेल्या काही काळापासून चांगली कामगिरी करत आहे. त्याने आपल्या गोलंदाजीच्या जोरावर टीम इंडियाला अनेक सामने जिंकून दिले. श्रीलंकेविरुद्धच्या धडाकेबाज कामगिरीनंतर त्याने न्यूझीलंडविरुद्धही ते सुरु ठेवले आणि टीम इंडियाला शानदार विजय मिळवून दिला.

दुसऱ्या एकदिवसीय सामन्यात त्याने आपल्या गोलंदाजीने सर्वांची मने जिंकली. दुसऱ्या वनडेत सिराजने मेडन ओव्हर टाकून मोठा विक्रम केला. त्याने जगातील सर्वात मोठ्या गोलंदाजांना मागे टाकले आहे. त्याबद्दल जाणून घेऊया...

सिराजने शानदार कामगिरी केली

न्यूझीलंडविरुद्धच्या पहिल्या एकदिवसीय सामन्यात मोहम्मद सिराजने चार विकेट घेतल्या होत्या. यानंतर दुसऱ्या एकदिवसीय सामन्यातही त्याने तुफानी गोलंदाजी करताना आश्चर्यकारक कामगिरी केली. त्याने 6 षटकात 10 धावा देऊन 1 बळी घेतला, ज्यामध्ये त्याने एक षटक मेडन टाकले. 2022 नंतर सर्वाधिक मेडन ओव्हर्स टाकणारा तो गोलंदाज आहे.

Mohammad Siraj
Mohammed Siraj: आनंदाश्रू! सिराजचे कुटुंबीय मॅचचा थरार पाहण्यासाठी थेट मैदानात, आईने...

तसेच, मोहम्मद सिराजने 2022 पासून आतापर्यंत 17 मेडन षटके टाकली आहेत. यानंतर दुसऱ्या क्रमांकावर ऑस्ट्रेलियाचा (Australia) जोश हेझलवूड आहे, ज्याने 14 मेडन षटके टाकली आहेत. न्यूझीलंडचा ट्रेंट बोल्ट 10 मेडन्ससह तिसऱ्या स्थानावर आहे.

Mohammad Siraj
Mohammed Siraj: 'माझ्या सर्व महत्त्वाच्या गोष्टी...', बांगलादेश दौऱ्यावरून परतताना सिराजची हरवली बॅग

विजयात योगदान दिले

मोहम्मद सिराजने श्रीलंका आणि न्यूझीलंडच्या जखमी जसप्रीत बुमराहची उणीव जाणवू दिली नाही. तो 2022 मध्ये भारतासाठी एकदिवसीय क्रिकेटमध्ये सर्वाधिक विकेट घेणारा गोलंदाज आहे. आतापर्यंत तो टीम इंडियासाठी तिन्ही फॉरमॅटमध्ये क्रिकेट खेळला आहे. त्याने एकदिवसीय क्रिकेटमध्ये भारतासाठी 21 एकदिवसीय सामन्यांमध्ये 38 बळी घेतले आहेत.

शिवाय, तो डावाच्या सुरुवातीला शानदार गोलंदाजी करतो आणि किफायतशीर असल्याचेही सिद्ध करतो. जेव्हा जेव्हा कर्णधार रोहित शर्माला (Rohit Sharma) विकेटची गरज असते, तेव्हा-तेव्हा मोहम्मद सिराजचा नंबर फिरवतो. तो संथ चेंडूंवर विकेट घेतो.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com