रवींद्र जडेजाने CSKचे कर्णधारपद का सोडले? धोनीने केला खुलासा!

एमएस धोनी पुन्हा चेन्नई सुपर किंग्जचा कर्णधार म्हणून मैदानात उतरला आहे.
रवींद्र जडेजाने CSKचे कर्णधारपद का सोडले? धोनीने केला खुलासा!
Ravindra JadejaDainik Gomantak

IPL 2022 च्या 46 व्या सामन्यात चेन्नई सुपर किंग्स (CSK) ने सनरायझर्स हैदराबाद (SRH) चा 13 धावांनी पराभव केला. चेन्नई सुपर किंग्जचा या मोसमातील हा तिसरा विजय आहे. या सामन्यात एमएस धोनी पुन्हा चेन्नई सुपर किंग्जचा कर्णधार म्हणून मैदानात उतरला. वास्तविक, या मोसमात कर्णधार म्हणून धोनीचा हा पहिलाच सामना होता. धोनीचा पुन्हा कर्णधारपद स्वीकारण्याचा निर्णय योग्य ठरला आणि चेन्नई सुपर किंग्जने या मोसमातील तिसरा विजय नोंदवला. मात्र या सामन्यानंतर धोनीने जडेजाबाबत मोठे वक्तव्य केले आहे. (MS Dhoni reveals why Ravindra Jadeja leaves captaincy of CSK)

Ravindra Jadeja
IPL 2022 Points Table : लखनऊ-चेन्नईच्या विजयाने बदलले पॉइंट टेबलचे समीकरण

कर्णधारपदामुळे जडेजाचा खेळ बिघडला : धोनी

हंगाम सुरू होण्यापूर्वी रवींद्र जडेजाला चेन्नई सुपर किंग्जचे कर्णधार बनवण्यात आले होते. मात्र खराब कामगिरीनंतर त्याने चेन्नई सुपर किंग्जचे कर्णधारपद सोडले. त्यानंतर एमएस धोनीने पुन्हा कर्णधारपदाची जबाबदारी स्वीकारली. सनरायझर्स हैदराबाद (SRH) विरुद्धच्या सामन्यानंतर धोनी म्हणाला की, कर्णधारपदाचा जडेजाच्या कामगिरीवर परिणाम होत आहे. त्यामुळे जडेजाला चांगली कामगिरी करता आली नाही. त्यामुळे हा निर्णय घ्यावा लागला. जेणेकरून जडेजा कोणत्याही दबावाशिवाय आपले 100 टक्के देऊ शकेल.

धोनी पुढे म्हणाला की, जेव्हा तुम्ही कर्णधार बनता तेव्हा तुमच्या संघाव्यतिरिक्त तुम्हाला अनेक गोष्टींसोबत स्वतःच्या कामगिरीकडेही लक्ष द्यावे लागते. पण कर्णधार म्हणून जडेजाला मनावर ताबा ठेवता आला नाही. त्याच्या मनात एकाच वेळी अनेक गोष्टी चालू होत्या.

धोनी म्हणाला की कर्णधार म्हणून मानसिक ताकद खूप महत्त्वाची आहे. जर तुम्ही मानसिकदृष्ट्या मजबूत असाल तर तुम्ही खूप चांगले करू शकाल. एक कर्णधार म्हणून तुम्हाला नेहमी संघासाठी अधिक योगदान द्यायचे असते. याशिवाय तुम्ही कोणत्या खेळाडूसोबत मैदानावर जाणार हेही लक्षात ठेवावे लागेल. एवढेच नाही तर यानंतरही अनेक गोष्टींची काळजी घ्यावी लागते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.