WPL 2023 Delhi Capitals Women vs Mumbai Indians Women: महिला प्रीमियर लीग 2023 मध्ये मुंबई इंडियन्सने दिल्ली कॅपिटल्सवर 8 गडी राखून विजयाची हॅटट्रिक नोंदवली, तर दिल्ली कॅपिटल्सला स्पर्धेतील पहिला पराभव स्वीकारावा लागला.
दरम्यान, मुंबईविरुद्ध प्रथम फलंदाजी करताना मेग लॅनिंगच्या नेतृत्वाखालील दिल्ली कॅपिटल्स (Delhi Capitals) संघ 18 षटकांत 105 धावांवर गारद झाला. प्रत्युत्तरात मुंबईने हे लक्ष्य 15 षटकांत दोन गडी गमावून पूर्ण केले.
दुसरीकडे, 106 धावांच्या लक्ष्याचा पाठलाग करताना यस्तिकाने 32 चेंडूंत आठ चौकारांच्या मदतीने 41 धावा करुन कॅपिटल्सला सामन्यातून जवळपास बाहेर काढले. यास्तिका आणि मॅथ्यूज (32) हे लक्ष्य गाठण्यापूर्वीच बाद झाल्या, त्यानंतर नेट सिव्हर ब्रंट (नाबाद 23) आणि हरमनप्रीत कौर (नाबाद 11) यांनी मुंबईला विजय मिळवून दिला.
तत्पूर्वी, दिल्ली कॅपिटल्ससाठी कर्णधार मेग लॅनिंगने 41 चेंडूंत पाच चौकारांसह सर्वाधिक 43 धावा केल्या, तर जेमिमा रॉड्रिग्जने 18 चेंडूंत तीन चौकारांसह 25 धावा केल्या. या दोघींशिवाय कॅपिटल्सचा एकही फलंदाज दुहेरी आकडा ओलांडू शकला नाही. विशेष म्हणजे, संपूर्ण संघ 18 षटकांतच बाद झाला.
त्याचबरोबर, कॅपिटल्सने नाणेफेक जिंकल्यानंतर फलंदाजी करण्याचा निर्णय घेतला, परंतु मागील सामन्यांप्रमाणेच त्यांच्या बाजूने तग धरण्याची क्षमता दिसली नाही. पहिल्या दोन सामन्यात 200 धावांचा टप्पा ओलांडणारी कॅपिटल्स मुंबईच्या गोलंदाजीसमोर झुंजताना दिसली. मुंबई इंडियन्सकडून सायका, वाँग, मॅथ्यूज यांनी प्रत्येकी तीन बळी घेतले.
त्याचबरोबर, दिल्लीने यापूर्वी रॉयल चॅलेंजर्स बंगळुरुचा 60 धावांनी तर यूपी वॉरियर्सचा 42 धावांनी पराभव केला आहे. दुसरीकडे, मुंबई इंडियन्सने (Mumbai Indians) पहिल्या सामन्यात गुजरात जायंट्सचा 143 धावांनी पराभव केला, तर दुसऱ्या सामन्यात त्यांनी बंगळुरुचा 9 विकेट्सने पराभव केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
