Pro Kabaddi League : प्रो-कबड्डीसाठी गोव्याच्या नेहालची निवड

पहिला गोमंतकीय खेळाडू; यूपी योद्धास संघाकडून दहा लाख रुपयांत करारबद्ध
Nehal B Sawal Desai Pro Kabaddi League
Nehal B Sawal Desai Pro Kabaddi LeagueDainik Gomantak

Vivo Pro Kabaddi League Auction 2022 : आगामी प्रो-कबड्डी स्पर्धेसाठी नवव्या हंगामासाठी गोव्याचा युवा खेळाडू नेहाल सावळ देसाई याला यूपी योद्धास संघाने दहा लाख रुपयांच्या बोलीवर करारबद्ध केले. स्पर्धेसाठी निवडला गेलेला तो पहिला गोमंतकीय कबड्डीपटू ठरला आहे.

हल्लीच हरियाणात झालेल्या 69व्या राष्ट्रीय सीनियर पुरुष कबड्डी स्पर्धेत गोव्याने उपांत्य फेरी गाठत ब्राँझपदक जिंकले. त्या स्पर्धेत नेहाल गोव्याचा प्रमुख चढाईपटू होता. स्पर्धेतील सहाही सामन्यांत तो खेळला होता.

‘‘प्रो-कबड्डी स्पर्धेसाठी निवड झाल्यामुळे आनंद झालाच आहे, मात्र आता जबाबदारीही वाढली आहे. कारकिर्दीतील अत्यंत मोलाचा क्षण आहे,’’ अशी प्रतिक्रिया नेहालने दिली. सध्या तो सोलापूर येथील बार्शी येथे शारीरिक शिक्षणातील पदव्युत्तर शिक्षण घेत आहे.

Nehal B Sawal Desai Pro Kabaddi League
FC Goa : एफसी गोवा गोलरक्षण प्रशिक्षकपदी कार्रेरा

नेहालने गोवा कबड्डी संघटनेचे आश्रयदाते दत्ताराम (बाबू) कामत, अध्यक्ष रुक्मिणी कामत, शालेय शिक्षक, प्रशिक्षक, नेहमी प्रोत्साहन देणारे आई-वडील यांना कबड्डीतील आतापर्यंतच्या प्रगतीचे श्रेय दिले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com