न्यूझीलंड महिला संघाकडून सर्वाधिक सामने खेळणारी क्रिकेटपटू एमी सॅटरथवेटने गुरुवारी (२६ मे) आंतरराष्ट्रीय क्रिकेटमधून निवृत्ती जाहीर केली. एमी सॅटरथवेटला 2022-23 हंगामासाठी केंद्रीय कराराची ऑफर देण्यात आली नव्हती. अशा परिस्थितीत तिने आंतरराष्ट्रीय क्रिकेट सोडण्याचा निर्णय घेतला. न्यूझीलंड क्रिकेट बोर्डानेही एमी सॅटरथवेटच्या निवृत्तीला दुजोरा दिला आहे.
दरम्यान, सॅटरथवेटने 2007 मध्ये ऑस्ट्रेलियाविरुद्ध (Australia) आंतरराष्ट्रीय पदार्पण केले, जेव्हा ती T20 आंतरराष्ट्रीय सामने खेळण्यासाठी आली होती. दोन दिवसांनंतर एमी सॅटरथवेटने त्याच संघाविरुद्ध एकदिवसीय आंतरराष्ट्रीय क्रिकेटमध्ये (International Cricket) पदार्पण केले. एकदिवसीय आंतरराष्ट्रीय क्रिकेटच्या पदार्पणाच्या सामन्यात शून्यावर बाद होऊनही तिने आपल्या कारकिर्दीत सात शतकांसह एकूण 4639 धावा केल्या.
एवढंच नाही तर, वुमेन्स वनडे क्रिकेटमध्ये सलग चार शतके झळकावण्याचा विक्रम एमी सॅटरथवेटच्या नावावर आहे. T20 क्रिकेटमध्ये तिच्या बॅटमधून 1784 धावा आल्या. तिने एकदिवसीय क्रिकेटमध्ये 50 आणि टी-20 आंतरराष्ट्रीय क्रिकेटमध्ये (T20 International Cricket) 26 विकेट्स घेतल्या आहेत. एका T20 सामन्यात तिने 17 धावांत 6 विकेट घेतल्या होत्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
