Neymar Jr ची झाली सर्जरी! PSG कडून महत्त्वपूर्ण अपडेट्स, पण कमबॅकबद्दल मात्र...

PSG: स्टार फुटबॉलर नेमार ज्यूनियरच्या घोट्यावर यशस्वी शस्त्रक्रिया करण्यात आल्याचे पीएसजीकडू सांगण्यात आले आहे.
Neymar Jr
Neymar JrDainik Gomantak

Neymar Jr. successful ankle Surgery: ब्राझीलचा दिग्गज फुटबॉलपटू नेमार ज्यूनियर कधी मैदानातील कामगिरीमुळे, तर कधी मैदानाबाहेरील गोष्टींमुळे चाहत्यांमध्ये नेहमीच चर्चेत राहात असतो.आता नुकतीच त्याच्याबद्दल महत्त्वाची बातमी समोर आली आहे. त्याच्या उजव्या घोट्यावर शस्त्रक्रिया करण्यात आली आहे.

सध्या पॅरिस सेंट - जर्मेन क्लबकडून (PSG) खेळणारा नेमार गेल्या महिन्यात लिले ओएससी क्लबविरुद्ध खेळताना दुखापतग्रस्त झाला होता. त्याच्या घोट्याला दुखापत झाली होती. त्यामुळे त्याला स्ट्रेचरवरून मैदानातून बाहेर न्यावे लागले होते. या सामन्यात पीएसजीने 4-3 अशा फरकाने विजय मिळवला होता.

Neymar Jr
Neymar Jr: 'मी एकाच वेळी दोघींनाही डेट करु शकतो', जुळ्या बहिणींना आक्षेपार्ह मेसेज केल्याने फुटबॉलपटू गोत्यात

या सामन्यानंतर आता शुक्रवारी (10 मार्च) नेमारच्या उजव्या घोट्यावर यशस्वी शस्त्रक्रिया करण्यात आली. पीएसजीने त्याच्या शस्त्रक्रियेबद्दल माहिती देतामा सांगितले की 'नेमार ज्यूनियरवर शुक्रवारी सकाळी दोहामधील अपसेटर हॉस्पिटलमध्ये यशस्वी शस्त्रक्रिया करण्यात आली.आता तो आराम आणि उपचाराच्या प्रोटोकॉलचे पालन करेल.'

दरम्यान, यापूर्वी पीएसजीने स्पष्ट केले होते की नेमार चालू हंगामातील उर्वरित सामन्यांना मुकणार आहे. तो दुखापतीनंतर शस्त्रक्रियेपूर्वी देखील ३ सामन्यांना मुकला होता. पण आता तो कधी पुनरागमन करणार याबाबत कोणतीही स्पष्ट माहिती देण्यात आलेली नाही. नेमारला यापूर्वी 2018 मध्ये देखील याच घोट्याला दुखापत झाली होती.

Neymar Jr
Ronaldo-Neymar: स्टार फुटबॉलर रोनाल्डो-नेमारकडे अनेक महागड्या कारचे मालक, पाहा Car Collections

नेमारने लीग-1 मध्ये या हंगामात 13 गोल्स केले आहेत आणि 11 असिस्ट केले आहेत. या हंगामात पीएसजी लीग-1मध्ये अव्वल क्रमांकावर आहेत.

लक्षात घेण्यासारखी गोष्ट म्हणजे 2017 साली पीएसजीने नेमारबरोबर 222 मिलियन युरोजचा करार केल्यापासून नेमारची तंदुरुस्ती नेहमीच चिंतेची बाब राहिली आहे. तो गेल्या काही काळात अनेकदा दुखापतग्रस्त झाला आहे. तो संघात सामील झाल्यापासून पीएसजीकडून आत्तापर्यंत लीग-1 मध्ये खेळलेल्या 228 सामन्यांपैकी केवळ 112 सामन्यांमध्ये खेळला आहे.

पीएसजीचा पुढील सामना आता रविवारी (19 मार्च) स्टेड रेने एफसीविरुद्ध होणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com