पणजी : ओडिशा एफसी सातव्या इंडियन सुपर लीग (आयएसएल) फुटबॉल स्पर्धेत तळाच्या अकराव्या, तर केरळा ब्लास्टर्स दहाव्या क्रमांकावर आहे. त्यांच्यात गुरुवारी (ता. 11) होणाऱ्या लढतीत नामुष्की टाळण्यावर भर असेल.
ओडिशा व केरळा ब्लास्टर्स यांच्यातील सामना फातोर्डा येथील पंडित जवाहरलाल नेहरू स्टेडियमवर खेळला जाईल. ओडिशाचे आव्हान खूप पूर्वी संपुष्टात आले आहे. आता बाकी पाच लढतीतून मिळणाऱ्या गुणांद्वारे तळाचे स्थान टाळण्यासाठी त्यांचे प्रयत्न असतील. त्यांच्या खाती 15 लढतीतून फक्त आठ गुण आहेत. स्पर्धेत सर्वाधिक नऊ पराभव त्यांनी स्वीकारले आहेत. केरळा ब्लास्टर्स प्ले-ऑफ फेरीच्या शर्यतीतून बाद झाल्यातच जमा आहे. 16 लढतीनंतर त्यांचे 15 गुण आहेत. यंदा स्पर्धेत सर्वाधिक 27 गोल स्वीकारण्याची पाळी त्यांच्यावर आली आहे.
स्पर्धेच्या पहिल्या टप्प्यात बांबोळी येथे ओडिशा एफसीने केरळा ब्लास्टर्सला 4 - 2 फरकाने हरविले होते. भुवनेश्वरच्या संघाने स्पर्धेत नोंदविलेला हा एकमेव विजय आहे. त्या पराभवाचा वचवा काढण्याची संधी केरळा ब्लास्टर्स गुरुवारी साधू शकतो. india india
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.