Indian Super League : ओडिशाचा केरळा ब्लास्टर्सवर पिछाडीवरून झुंजार विजय

भुवनेश्वर येथील कलिंगा स्टेडियमवर झालेल्या लढतीत शेवटची चार मिनिटे बाकी असताना बदली स्पॅनिश खेळाडू पेद्रो मार्टिन याने नोंदविलेला गोल यजमान संघासाठी निर्णायक ठरला.
Indian Super League | Odisha
Indian Super League | OdishaDainik Gomantak

Indian Super League : ओडिशा एफसीने रविवारी रात्री इंडियन सुपर लीग (आयएसएल) फुटबॉल स्पर्धेत पिछाडीवरून झुंजार विजय नोंदविला. भुवनेश्वर येथील कलिंगा स्टेडियमवर झालेल्या लढतीत शेवटची चार मिनिटे बाकी असताना बदली स्पॅनिश खेळाडू पेद्रो मार्टिन याने नोंदविलेला गोल यजमान संघासाठी निर्णायक ठरला, त्यामुळे त्यांना केरळा ब्लास्टर्सवर 2-1 फरकाने विजय नोंदविणे शक्य झाले.

सामन्याच्या 35 व्या मिनिटास हरमनज्योत खब्रा याने केरळा ब्लास्टर्सला आघाडी मिळवून दिली. विश्रांतीला केरळचा संघ एका गोलने आघाडीवर होता. 54 व्या मिनिटास जेरी माविमिंगथांगा याने ओडिशा एफसीला 1-1 अशी बरोबरी साधून दिली. नंतर 86 व्या मिनिटास पेद्रो याने नोंदविलेल्या गोलमुळे ओडिशाने स्पर्धेतील दुसऱ्या विजयाची नोंद केली. त्यांचे आता तीन लढतीनंतर सहा गुण झाले आहेत. गुणतक्‍त्यात त्यांना तिसरा क्रमांक मिळाला आहे.

Indian Super League | Odisha
Indian Super League: एफसी गोवाच्या विजयाचा शिल्पकार ठरला नोह सादौई!

एफसी गोवाचेही सहा गुण आहेत, गोलसरासरी सरस असल्याने ते दुसऱ्या स्थानी कायम राहिले. केरळा ब्लास्टर्सला सलग दुसरा पराभव पत्करावा लागला. त्यामुळे त्यांचे तीन लढतीनंतर तीन गुण कायम राहिले व नवव्या क्रमांकावर घसरण झाली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com