Neeraj Chopra dance: मुंबईत नुकताच इंडिया स्पोर्ट्स ऑनर्स पुरस्कार सोहळा पार पडला. या सोहळ्यात अनेक भारतातील अनेक स्टार खेळाडू आणि सेलिब्रेटी सहभागी झाले होते. यामध्ये भारताचा भालाफेकपटू नीरज चोप्राचाही समावेश होता.
भारताचा ऑलिम्पिक सुवर्णपदक नीरज चोप्राने या सोहळ्याचा भरपूर आनंदही लुटल्याचे दिसून आले. या सोहळ्यादरम्यान नीरजने काही सेलिब्रेटींबरोबर डान्सही केला. त्याचा डान्सचा व्हिडिओही व्हायरल होत आहे.
व्हायरल झालेल्या व्हिडिओमध्ये दिसते की या सोहळ्यावेळी 'बिजली बिजली' या हर्डी संधूच्या पंजाबी गाण्यांवर त्याने डान्स केला. त्याच्याबरोबर यावेळी रुही दोसानी, यशराज मुखटे आणि दिपराज जाधव हे प्रसिद्ध कटेंट क्रिएटर देखील डान्स करत होते. त्यांच्या डान्सच्या व्हिडिओवर अनेक युजर्सने कमेंट्सही केल्या असून अनेकांनी नीरजच्या डान्सचे कौतुक केले आहे.
नीरज हा भारताचा ट्रॅक अँड फिल्ड या प्रकारात ऑलिम्पिकमध्ये सुवर्णपदक मिळवून देणारा पहिलाच खेळाडू आहे. त्याने टोकियो ऑलिम्पिकमध्ये भालाफेकीत सुवर्णपदकाची कमाई केली होती. नीरजला आत्तापर्यंत पद्मश्री, मेजर ध्यानचंक खेलरत्न पुरस्कार, अर्जुन पुरस्कार असे काही मानाचे पुरस्कारही मिळाले आहे.
या पुरस्कार सोहळ्यासाठी विराट कोहली-अनुष्का शर्मा, रणवीर सिंग-दीपिका पदुकोण, अंगद बेदी-नेहा धुपिया, अभिषेक बच्चन, अजय देवगन यांसारखे सेलिब्रेटी, तसेच पीआर श्रीजेश, योगेश्वर दत्त, विजेंदर सिंग, पीटी उषा, शुभमन गिल असे अनेक खेळाडूही उपस्थित होते.
या सोहळ्यात 1 जानेवारी 2021 ते 28 फेब्रुवारी 2023 या कालावधीत चांगली कामगिरी करणाऱ्य खेळाडूंचा गौरव करण्यात आला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
