Olympics: ‘टोकियो’ ने जगाला दिला जिद्दीचा संदेश

लेनी डिगामा : कोविड संकटकाळातही ऑलिंपिक (Tokyo Olympics) यशस्वी; क्रीडा जगताकडूनही कौतुक
Tokyo Olympics
Tokyo OlympicsDainik Gomantak

पणजी : कोरोना विषाणू महामारीमुळे (Covid-19) विरोध, तसेच धोकाही होता, प्रतिकूल परिस्थितीत टोकियो ऑलिंपिकने (Tokyo Olympics) यशस्वी आयोजनाद्वारे जिद्दीचा अनोखा संदेश जगाला दिला, असे मत बॉक्सिंगमधील आंतरराष्ट्रीय तांत्रिक अधिकारी (ITO) लेनी डिगामा यांनी व्यक्त केले.

गोव्याचे लेनी टोकियोत बॉक्सिंगमधील एकमेव आशियाई तांत्रिक अधिकारी होते. शनिवारी त्यांचे गोव्यात आगमन झाले. आशियाई बॉक्सरच्या लढती वगळता त्यांनी अन्य लढतींत मूल्यांकनकर्ते-निरीक्षक म्हणून काम पाहिले. ऑलिंपिकचा अनुभव त्यांनी ‘गोमन्तक’ कडे व्यक्त केला. ते म्हणाले ‘‘कोविड-19च्या पार्श्वभूमीवर स्पर्धा अतिशय सफल ठरली. खूपच चांगले आणि नियोजनबद्ध आयोजन यामुळे महामारीच्या कालावधीतही स्पर्धा संस्मरणीय ठरली. अनुचित प्रकार टाळले गेले. माझ्यासाठी हा अनुभव चिरकाल स्मरणात राहील.’’

Tokyo Olympics
Tokyo Olympic: आणखी एका ऑलिंपिक ‘सेवे’ची इच्छा ः लेनी

वेळोवेळी चाचण्या; खास ॲपही

आरटीपीसीआर चाचणी, लाळेची चाचणी या ऑलिंपिक वास्तव्यात नित्याच्याच ठरल्या. हॉटेल पंचतारांकित असले, तरी आतमध्ये जाताना स्वतःचे सामान स्वहस्तेच न्यावे लागत असे. ऑलिंपिक आयोजन समितीचे कोविड-19 विषयक खास ॲप होते, तेथे दररोज सकाळी शरीराचे तापमान, ताप-थंडी-खोकला आदींची माहिती नोंदीत करणे बंधनकारक होते. स्टेडियमवर जाण्यापूर्वी, तसेच लढतीच्या वेळेस स्टेडियममध्ये वापरण्यासाठी वेगवेगळे पोशाख होते. सारं काही काटेकोरपणे अमलात येत होते, यामुळेच टोकियो ऑलिंपिक स्पर्धा सफल ठरली.

केवळ बसमधून टोकियो दर्शन

कोरोना विषाणू महामारीमुळे ऑलिंपिकमधील सुट्टीच्या एका दिवशी फक्त बसमधून टोकियोची भ्रमंती करण्याची संधी मिळाली. बसमधून सारी प्रेक्षणीय स्थळे पाहायची सोय होती, कोणालाच खाली उतरण्याची परवानगी नव्हती. खास पंचतारांकित हॉटेलमध्ये बॉक्सिंगमधील सारे अधिकारी वास्तव्यास होते.

Tokyo Olympics
IND vs ENG 2nd Test: अजिंक्य रहाणे आणि पुजारा फॉर्ममध्ये परतले

"कठीण कालखंडात झालेली ऑलिंपिक स्पर्धा विशेष होती. टोकियोने जिद्द आणि साहस यांचे अनोखे दर्शन घडविले. त्यासाठी जपान, आंतरराष्ट्रीय ऑलिंपिक समिती आणि स्पर्धा आयोजन समितीला सलाम ठोकावाच लागेल. एक भारतीय या नात्याने स्पर्धेत जबाबदारी सार्थपणे पेलली याचाही अभिमान वाटतो."

-लेनी डिगामा

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com