पणजीः गोव्याचा फिडे मास्टर (Fide Master) बुद्धिबळपटू नीतिश बेलुरकर (Nitish Belurkar) याने ऑनलाईन राष्ट्रीय ज्युनियर बुद्धिबळ (Online National Junior Chess) स्पर्धेत बक्षीसप्राप्त खेळाडूंत स्थान मिळविले. त्याने आठ गुणांची कमाई करत नववा क्रमांक मिळविला. ऑनलाईन पद्धतीने झालेल्या या स्पर्धेत नीतिशने पहिले चारही डाव जिंकून दणक्यात सुरवात केली. मात्र पाचव्या डावात त्याला गोव्यातील जोरदार पावसाचा फटका बसला. इंटरनॅशनल मास्टर अरण्यक घोष याच्याविरुद्धचा डाव सुरू असताना 23 जुलैला गोव्यात झालेल्या पावसामुळे नीतिशचे इंटरनेट कनेक्शन कोलमडले. त्याचा परिणाम त्याच्या एकाग्रतेवर होऊन तो पराभूत झाला. मात्र अखेरचे चार डाव जिंकून त्याने पहिल्या दहा खेळाडूंत स्थान मिळविले.
नीतिश एस. एस. धेंपो महाविद्यालयाचा विद्यार्थी असून जीनो फार्मास्युटिकल्सचा सदिच्छा दूत आहे. राष्ट्रीय ऑनलाईन ज्युनियर स्पर्धेतील चमकदार कामगिरीबद्दल गोवा बुद्धिबळ संघटनेचे अध्यक्ष वीजमंत्री नीलेश काब्राल, सचिव किशोर बांदेकर यांनी नीतिशचे अभिनंदन केले आहे. स्पर्धेत तमिळनाडूच्या व्ही. एस. राहुल याने विजेतेपद मिळविले. गोव्यातील अन्य खेळाडूंत आयुष शिरोडकर याला साडेसहा गुणांसह 44वा, जॉय काकोडकर याला साडेपाच गुणांसह 95वा क्रमांक मिळाला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
