Babar Azam: बाबर आझमला मिळाला 'सितारा-ए-पाकिस्तान' पुरस्कार

Pakistan Cricket: तिन्ही फॉरमॅटमध्ये अव्वल स्थानावर राहणारा तो सध्या जागतिक क्रिकेटमधील एकमेव क्रिकेटपटू आहे.
Babar Azam
Babar Azam Twitter/@TheRealPCB

Sitara-E-Pakistan: पाकिस्तान क्रिकेट इतिहासातील सर्वोत्तम फलंदाजांपैकी एक बाबर आझम सध्या उत्कृष्ट फॉर्ममध्ये आहे. पाकिस्तान संघाचा कर्णधार बाबर वनडे आणि टी-20 क्रमवारीत अव्वल स्थानावर आहे. तिन्ही फॉरमॅटमध्ये अव्वल स्थानावर राहणारा तो सध्या जागतिक क्रिकेटमधील एकमेव क्रिकेटपटू आहे.

दरम्यान, 27 वर्षीय बाबर सध्या तिन्ही फॉरमॅटमध्ये पाकिस्तान संघाचे नेतृत्व करत आहे. त्याच्या नेतृत्वाखाली पाकिस्तान संघाला आता 16 ऑगस्टपासून नेदरलँड्ससोबत तीन सामन्यांची वनडे मालिका खेळायची आहे. एकदिवसीय मालिकेपूर्वी बाबरला देशाचा तिसरा सर्वोच्च नागरी पुरस्कार 'सितारा-ए-पाकिस्तान' ने सन्मानित करण्यात आला.

Babar Azam
Babar Azam World Record: कराची कसोटीत बाबरने मोडला 'वर्ल्ड रिकॉर्ड'

दुसरीकडे,आगामी क्रिकेट हंगाम सुरु होण्यापूर्वी, बाबरला रविवारी क्रिकेटमधील (Cricket) उत्कृष्ट योगदानाबद्दल 'सितारा-ए-पाकिस्तान' पुरस्कार प्रदान करण्यात आला. बाबरशिवाय पाकिस्तान महिला क्रिकेट संघाची कर्णधार बिस्माह मारुफ हिला 'तमगा-ए-पाकिस्तान' पुरस्काराने सन्मानित करण्यात आले. त्याचबरोबर अंध क्रिकेटपटू मसूद जानला प्राईड ऑफ परफॉर्मन्स पुरस्काराने सन्मानित करण्यात आले. पाकिस्तान क्रिकेट बोर्डाने (PCB) या तिन्ही खेळाडूंचे अभिनंदन केले आहे.

Babar Azam
T20 World Cup: 'भारताविरुद्ध विजयासह सुरुवात करण्यास तयार': Babar Azam

शिवाय, आपल्या खेळाडूंचे अभिनंदन करताना PCB ने सांगितले की, "मसूद जान (अंध क्रिकेटपटू), पाकिस्तानच्या पुरुष संघाचा कर्णधार बाबर आझम (Babar Azam) आणि पाकिस्तानच्या महिला संघाचा कर्णधार बिस्माह मारुफ यांना पाकिस्तानच्या (Pakistan) 75 व्या वर्धापनदिनानिमित्त नागरी पुरस्काराने सन्मानित करण्यात आले."

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com