FIFA World Cup: फिफा वर्ल्ड कपमध्ये का होतेय पाकिस्तानची चर्चा? जाणून घ्या

FIFA Cup: वास्तविक, 20 नोव्हेंबरपासून कतारमध्ये सुरु झालेल्या FIFA विश्वचषक 2022 च्या सुरक्षेसाठी पाकिस्तानने त्यांचे जहाज PNS Tabuk (PNS Tabuk) पाठवले आहे.
Football World Cup
Football World CupDainik Gomantak

Football World Cup: राजकीय अस्थिरता आणि आर्थिक संकटाचा धोका असूनही पाकिस्तान बढाई मारण्यापासून परावृत्त झालेला नाही. वास्तविक, 20 नोव्हेंबरपासून कतारमध्ये सुरु झालेल्या FIFA विश्वचषक 2022 च्या सुरक्षेसाठी पाकिस्तानने PNS Tabuk हे जहाज पाठवले आहे.

दरम्यान, पाकिस्तानच्या या निर्णयावरुन सोशल मीडियावर अनेक प्रकारच्या चर्चा सुरु आहेत, का नाही. कारण हा तोच पाकिस्तान (Pakistan) आहे, जिथे सध्या लाखो लोक अन्नासाठी वणवण भटकत आहेत. भीषण पुरामुळे झालेल्या विध्वंसानंतर लाखो लोक रस्त्यावर आले आहेत. मोठ्या प्रमाणात शेतकरी बेघर झाले आहेत.

Football World Cup
FIFA World Cup च्या धामधूमीत रोनाल्डो अन् मँचेस्टर युनायटेडचे मार्ग झाले वेगळे!

दुसरीकडे, गेल्या महिन्यात पाकिस्तानात आलेल्या पुरामुळे 4 हजार चौरस किलोमीटरहून अधिक क्षेत्र पाण्यात बुडाले होते. त्याचा प्रभाव अजून संपलेला नाही. या भागातील शेतजमिनी ओसाड पडल्या आहेत. खाद्यपदार्थांच्या किमतीही गगनाला भिडल्या आहेत.

युनिसेफच्या म्हणण्यानुसार, पुरानंतर पाकिस्तानमध्ये उपाशीपोटी राहणाऱ्यांची संख्या 8.6 दशलक्षच्या पार गेली आहे. दरम्यान, पाकिस्तानमध्ये वेगळाच राजकीय भूकंप झाला असून, इम्रान खान (Imran Khan) सातत्याने सरकारवर हल्लाबोल करत आहेत. शिवाय, लष्करी प्रमुखांचाही कालावधीही संपणार आहे, मात्र पुढील लष्कर प्रमुखाचे नाव अद्याप जाहीर करण्यात आलेले नाही. अशा स्थितीत पाकिस्तान इतरांच्या सुरक्षेसाठी जहाजे पाठवत आहे.

Football World Cup
FIFA World Cup: विजयाचा आनंद! Messiच्या अर्जेंटिनाला हरवल्याने सौदी सुलतानाकडून सुट्टी जाहीर

कतार बंदरावर पाकिस्तानी जहाज तैनात

मंगळवारी पाकिस्तानी नौदलाचे जहाज PNS Tabuk (PNS Tabuk) फुटबॉलच्या लढाईदरम्यान कतार (Qatar) बंदराजवळ सुरक्षेत तैनात करण्यात आले आहे. हे जहाज पाकिस्तानातून इथे पाठवण्यात आले आहे. फिफा विश्वचषकावर कोणत्याही शत्रूची नजर पडू नये यासाठी सर्व सुरक्षा यंत्रणा सतर्क आहेत. पाकिस्तानचे हे जहाजही या सुरक्षा स्तरावर तैनात आहे.

पाकिस्तानी जहाज कतारमध्ये का पोहोचले?

पाकिस्तान नौदलाच्या प्रवक्त्यानुसार, पीएनएस ताबुक जहाज 2022 विश्वचषकादरम्यान सागरी सुरक्षेसाठी कतार सरकारच्या समन्वयाने काम करेल. 2022 फिफा विश्वचषकाच्या यशस्वी समारोपात भूमिका बजावणाऱ्या पाकिस्तानी जहाजाचे एमिराती नौदलाच्या अधिकाऱ्यांनी उम्म अल हौल नौदल तळावर स्वागत केले.

Football World Cup
FIFA World Cup 2022: बेल्जियमविरुद्ध मैदानात उतरताच 'या' देशाची तब्बल 36 वर्षांची प्रतिक्षा संपणार!

मिळालेल्या माहितीनुसार, फुटबॉल चॅम्पियनशिप यशस्वीपणे पार पाडण्यासाठी कतारच्या संरक्षण मंत्रालयाने मित्र देशांशी करार केला आहे, पाकिस्तानचे जहाज तैनात करणे हा या कराराचा एक भाग आहे. पाकिस्तान जहाज ताबुकच्या कमांडिंग ऑफिसरनेही यजमान नौदलाच्या अधिकाऱ्यांची भेट घेतली असून फिफा विश्वचषकासाठी सागरी सुरक्षेबाबत चर्चा केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com