पणजी फुटबॉलर्स साळगावकरला धक्का; जॉयसनच्या गोलमुळे सामन्यात एका गोलने निसटता विजय

Panaji footballers push Salgaonkar Joysons goal gave the match a one goal victory
Panaji footballers push Salgaonkar Joysons goal gave the match a one goal victory

पणजी : पणजी फुटबॉलर्सने गोवा प्रोफेशनल लीग फुटबॉल स्पर्धेत शनिवारी सनसनाटी निकाल नोंदविताना अग्रस्थानावरील साळगावकर एफसीला 1-0 फरकाने पराभवाचा धक्का दिला. सामना म्हापसा येथील धुळेर स्टेडियमवर झाला.

सामन्यातील एकमात्र निर्णायक गोल 81व्या मिनिटास जॉयसन गांवकार याने नोंदविला. सिरील डायस याच्या शानदार क्रॉसपासवर जॉयसनने भेदक हेडिंग साधत साळगावकर एफसीच्या गोलरक्षकाला चकविले. पणजी फुटबॉलर्सचा हा आठ लढतीतील तिसरा विजय ठरला. त्यांचे आता 10 गुण झाले आहेत. साळगावकर एफसीचा हा आठ लढतीतील पहिला पराभव ठरला. त्यामुळे त्यांचे 17 गुण कायम राहिले. (Panaji footballers push Salgaonkar Joysons goal gave the match a one goal victory)

सामन्यात दोन्ही संघांनी तुल्यबळ खेळ केला. साळगाकर एफसीच्या अंतुश मोनिझ याने सामन्याच्या सुरवातीस पणजी फुटबॉलर्सवर आक्रमण केले होते, पण गोलरक्षक प्रेस्टन रेगो याने प्रयत्न फोल ठरविला. त्यापूर्वी पणजी फुटबॉलर्सच्या कृष्णा गावस याला साळगावकरच्या प्रथमेश सातार्डेकर याने पाडल्यानंतर पणजीच्या संघाने पेनल्टी फटक्याचे अपिल केले होते, पण रेफरीने ते मान्य केले नाहीत. सामन्याच्या पूर्वार्धात पणजी फुटबॉलर्सला गोल करण्याची आणखी एक संधी होती, परंतु लॉईड कार्दोझ साळगावकरचा गोलरक्षक जेसन डिमेलो याला चकवू शकला नाही. 

उत्तरार्धात साळगावकर एफसीला आघाडीची चांगली संधी होती, परंतु बदली खेळाडू स्टीफन सतरकर अगदी जवळून फटका मारताना अचूकतेत चुकला. 68व्या मिनिटास पणजी फुटबॉलर्सच्या जॉयसन गांवकार याचा गोल ऑफसाईड ठरल्यामुळे गोलशून्य बरोबरीची कोंडी कायम राहिली. पणजी फुटबॉलर्सच्या लॉईड कार्दोझ याने साळगावकर एफसीच्या दोघा बचावपटूंना चकवा देत मारलेला फटका गोलरक्षकाने रोखला होता, त्यानंतर रिबाऊंडवर हेडिंग गोल साधताना जॉयसन ऑफसाईड ठरला. त्यानंतर गोल करण्याचे आणखी दोन प्रयत्न चुकल्यानंतर जॉयसनने पणजी फुटबॉलर्सला आघाडी मिळवून दिली. 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com