Pune Half Marathon 2022 : यंदाचा तिसरा हंगाम, सोमवारी होणार पत्रकार परिषद

बहुप्रतिक्षित पुणे हाफ मॅरेथॉनमध्ये अनेक नामांकित धावपटू सहभागी होणार आहेत.
Pune Half Marathon 2022
Pune Half Marathon 2022Dainik Gomantak

पुणे : सकाळ माध्यम पुरस्कृत तिसऱ्या ‘बजाज अलियान्झ पुणे हाफ मॅरेथॉन’बाबत सोमवारी पुण्यात पत्रकार परिषदेचं आयोजन करण्यात आले आहे. बहुप्रतिक्षित पुणे हाफ मॅरेथॉनमध्ये अनेक नामांकित धावपटू सहभागी होणार आहेत. या धावपटूंसोबत संवाद साधण्याची संधी बजाज अलियान्झ पुणे हाफ मॅरेथॉनच्यावतीने उपलब्ध करून देण्यात येणार आहे. (Pune Half Marathon 2022 News Updates)

आरोग्य आणि तंदुरुस्तीसाठी सक्रियतेचा संकल्प कृतीत उतरविण्याची प्रेरणा देण्यासाठी देण्यासाठी पुणे हाफ मॅरेथॉनचं आयोजन करण्यात येते. या मॅरेथॉनचा मार्ग, धावपटू कोण असतील, यंदाचं मॅरेथॉनमधील आकर्षण याबाबत माहिती देण्यासाठी येत्या सोमवारी 12 सप्टेंबर रोजी बजाज अलियान्झ पुणे हाफ मॅरेथॉनच्या वतीने पत्रकार परिषदेचं आयोजन कऱण्यात आलं आहे. या पत्रकार परिषदेत मॅरेथॉनमध्ये धावणारे धावपटू उपस्थित राहणार आहे.

Pune Half Marathon 2022
Diamond League ट्रॉफी जिंकणारा नीरज चोप्रा पहिला भारतीय

दरम्यान, पुण्यात अनेक भागांमध्ये मेट्रोचे काम सुरू आहे. त्यामुळे मॅरेथॉनच्या मार्गात काही बदल करण्यात आले आहेत. बदललेला मार्ग कसा असेल याविषयी पत्रकार परिषदेत माहिती देण्यात येणार आहे. बजाज अलियान्झ पुणे हाफ मॅरेथॉन 2018 मध्ये सुरू झाली होती. त्यानंतर 2019 मध्ये देखील या स्पर्धेचे आयोजन करण्यात आले होते. मात्र कोरोना संसर्गामुळे स्पर्धेत दोन वर्षांचा खंड पडला. आता मॅरेथॉनच्या तिसऱ्या हंगामासाठी धावपटू सज्ज झाले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com