राष्ट्रीय सबज्युनियर हॉकी स्पर्धेत पंजाब संघाची गोव्यावर मात

National Sub Junior Hockey Tournament : बंगाल, चंडीगड, मध्य प्रदेशची विजयी कूच
Punjab won against Goa in National Sub Junior Hockey Tournament
Punjab won against Goa in National Sub Junior Hockey TournamentDainik Gomantak

पणजी : यजमान गोवा 12व्या राष्ट्रीय सबज्युनियर हॉकी स्पर्धेतील पहिल्या दोन सामन्यात अपराजित राहिला, मात्र फ गटात त्यांना मंगळवारी बलाढ्य पंजाबकडून 12-0 फरकाने मोठा पराभव पत्करावा लागला. यासह पंजाबने विजयी आगेकूच राखली, तर गोव्याला उपांत्यपूर्व फेरी गाठणे कठीण ठरले. (Punjab won against Goa in National Sub Junior Hockey Tournament)

Punjab won against Goa in National Sub Junior Hockey Tournament
RFD लीग फुटबॉल स्पर्धेत एफसी गोवाला तिसऱ्या स्थानाची संधी

पेडे-म्हापसा येथील अॅस्ट्रो टर्फ हॉकी मैदानावर सुरू असलेल्या या स्पर्धेत बंगाल, चंडीगड, मध्य प्रदेश संघाने विजयी कामगिरी बजावली. क गटात बंगालने तमिळनाडूस 4-1 असे, चंडीगडने ह गटात आसामला 11-2 असे, तर मध्य प्रदेशने महाराष्ट्राला 8-0 असे सहजपणे हरविले.

गोव्याविरुद्ध पंजाबच्या एकतर्फी विजयात लव्हनूर सिंग व प्रभज्योत सिंग यांनी हॅटट्रिक नोंदविली. प्रभदीप सिंगने दोन, तर प्रीतपाल सिंग, हरप्रीत सिंग, जपनित सिंग व रोहन भूषण यांनी प्रत्येकी एक गोल केला. गोव्याने अगोदरच्या लढतीत दिल्लीला 1-1 असे गोलबरोबरीत रोखले होते, तर पुदुचेरीवर 6-0 फरकाने मात केली होती.

बंगालच्या विजयात करण शॉ याने दोन, अमनकुमार ठाकूर, आयुष प्रसाद यांनी प्रत्येकी एक गोल केला. तमिळनाडूचा एकमात्र गोल ए. प्रवीण याने नोंदविला. आसामविरुद्ध चंडीगडसाठी गुरप्रीत सिंग व कर्णधार गुरजीत सिंग यांनी प्रत्येकी तीन, तर कोमलप्रीत सिंग, करणज्योत सिंग, राजवीर सिंग, फतेह सिंग व पंकज शर्मा यांनी प्रत्येकी एक गोल केला. आसामतर्फे धनंजॉय मंडल व मानसरिज बोरो यांनी प्रत्येकी एक गोल केला. महाराष्ट्राविरुद्ध मध्य प्रदेशसाठी कर्णधार राजाभैया कोरी याने तीन करण गौतमने दोन, सिद्धार्थ बेन, रितेंद्रप्रताप सिंग व आझाद सुल्तान यांनी प्रत्येकी एक गोल नोंदविला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com