T-20 World Cup मध्ये विराट करणार ओपनिंग? रोहितने दिले धक्कादायक उत्तर

Rohit Sharma On Virat Kohli Opening: टी-20 वर्ल्ड कपपूर्वी टीम इंडियाला दक्षिण आफ्रिका आणि ऑस्ट्रेलियाविरुद्ध टी-20 मालिका खेळायची आहे.
Rohit Sharma
Rohit SharmaDainik Gomantak

Rohit Sharma On Virat Kohli Opening: टी-20 वर्ल्ड कपपूर्वी टीम इंडियाला दक्षिण आफ्रिका आणि ऑस्ट्रेलियाविरुद्ध टी-20 मालिका खेळायची आहे. या दोन्ही मालिकांमध्ये टीम इंडियाला शानदार कामगिरीची अपेक्षा आहे. आशिया कपमध्ये केएल राहुल शानदार कामगिरी करण्यात अपयशी ठरला. यातच आता रोहित शर्माने पत्रकार परिषदेत स्पष्ट केले की, केएल राहुल टी-20 विश्वचषकात भारतासाठी सलामी देणार असला तरी तिसरा सलामीवीर म्हणून विराट कोहलीच राहील.

रोहित शर्माने हे उत्तर दिले

कर्णधार रोहित शर्माने (Rohit Sharma) रविवारी पत्रकार परिषद घेतली. सर्वात लहान फॉरमॅटमध्ये सलामीवीर म्हणून विराट कोहलीच्या प्रश्नावर रोहित म्हणाला, 'तुमच्याकडे पर्याय उपलब्ध असणे नेहमीच चांगले असते. विश्वचषकात जाण्यासाठी संघात लवचिकता असणे आवश्यक आहे, म्हणजेच फलंदाजीच्या क्रमात कोणत्याही प्रकारची अडचण नसावी. कोणत्याही परिस्थितीत खेळाडूने सर्वोत्तम फलंदाजी करावी अशी आमची इच्छा आहे. जेव्हा आपण काहीतरी नवीन करण्याचा प्रयत्न करतो तेव्हा ते घडत नाही जी एक समस्या आहे.'

Rohit Sharma
T-20 World Cup मध्ये रोहितसोबत ओपनिंग करणार हा खेळाडू, गौतम गंभीरचा मोठा दावा

विराट कोहलीने आयपीएलमध्ये सलामी दिली आहे

रोहित पुढे म्हणाला, 'आम्हाला आमच्या संघातील सर्व खेळाडूंची गुणवत्ता समजते. ते आमच्यासाठी काय करु शकतात, हे पण आम्हाला माहीत आहे. विराट आमच्यासाठी एक महत्त्वाचा पर्याय आहे. आमच्याकडे तिसरा सलामीवीर नसल्यामुळे आम्ही त्याला नेहमीच लक्षात ठेवू.' रोहितने आयपीएलमध्ये विराटच्या सलामीचाही उल्लेख केला. रोहित पुढे असेही म्हणाला की, 'विराटने आयपीएलमध्ये (IPL) त्याच्या फ्रँचायझीसाठी सलामी दिली होती. त्याने खरोखरच चांगली कामगिरी केली आहे, त्यामुळे तो नक्कीच आमच्यासाठी एक पर्याय आहे.'

Rohit Sharma
हार्दिक पंड्या T-20 World Cup साठी सज्ज

केएल राहुलने टीम इंडियासाठी अनेक सामने जिंकले

शेवटी रोहित म्हणाला, 'आशिया चषक 2022 च्या शेवटच्या सामन्यात, विराट ज्या प्रकारे खेळला त्यावर (अफगाणिस्तानविरुद्ध सलामीवीर म्हणून) आम्ही खूश होतो, परंतु केएल राहुल देखील एक सलामीवीर आहे. विराटही टीम इंडियासाठी (Team India) खूप महत्त्वाचा खेळाडू आहे. मला फक्त हे स्पष्ट करायचे आहे, आम्ही आमच्या प्रक्रियेबद्दल स्पष्ट आहोत. आम्ही कोणत्याही भ्रमात नाही, केएल आमच्यासाठी काय करतो हे आम्हाला माहीत आहे. केएल एक दर्जेदार खेळाडू असून तो आमच्यासाठी खूप महत्त्वाचा आहे. तो टॉप ऑर्डरमध्ये असणे आमच्यासाठी खूप महत्त्वाचे आहे.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com