UPW vs RCBW, WPL 2023: महिला प्रीमियर लीग (WPL) 2023 मध्ये अखेर, स्मृती मानधनाच्या नेतृत्वाखालील रॉयल चॅलेंजर्स बंगळुरु (RCB) ने विजयाचे खाते उघडले.
बुधवारी आरसीबीने यूपी वॉरियर्सचा 5 विकेट्सने पराभव केला. आरसीबीने स्पर्धेत सलग पाच सामने गमावल्यानंतर विजयाची नोंद केली आहे.
नवी मुंबईतील डीवाय स्पोर्ट्स अकादमीमध्ये यूपीने 136 धावांचे लक्ष्य ठेवले होते. आरसीबीने 18 षटकांत 5 गडी गमावून सामना जिंकला.
कनिका आहुजाने शानदार खेळी केली पण तिचे अर्धशतक हुकले. यूपीकडून दीप्ती शर्माने दोन, देविका वैद्य, सोफी एक्लेस्टोन आणि ग्रेस हॅरिसने प्रत्येकी एक विकेट घेतली.
दरम्यान, नाणेफेक गमावल्यानंतर प्रथम फलंदाजी करण्याचा निर्णय घेतल्याने यूपीची सुरुवात चांगली झाली नाही. त्यांची टॉप ऑर्डर म्हणावी तशी कामगिरी करु शकली नाही. सलामीवीर देविका वैद्य (1) आणि अॅलिसा हिली (0) पहिल्याच षटकातच बाद झाल्या. ताहलिया मॅकग्रा (2) आणि सिमरन शेख (2) फलंदाजी करु शकले नाहीत.
तसेच, किरण नवगिरे (22) मोठी खेळी खेळण्यात अपयशी ठरली. 31 च्या एकूण स्कोअरवर 5 विकेट पडल्या यावरुन यूपीच्या खराब स्थितीचा अंदाज लावता येतो. मात्र, ग्रेस हॅरिसने (46) एक बाजू धरुन ठेवली. तिने दीप्ती शर्मा (22) सोबत सहाव्या विकेटसाठी 69 धावांची भागीदारी केली आणि संघाला शतकापर्यंत नेले. हॅरिस 16व्या षटकात बाद झाली. श्वेता सेहरावत (6), अंजली सरवानी (8) आणि सोफी एक्लेस्टोन (12) यांना विशेष काही करता आले नाही.
दुसरीकडे, यूपीची कमान अॅलिसा हिलीकडे तर स्मृती मानधना बंगळुरुची कमान सांभाळत आहे. आरसीबीचा हा स्पर्धेतील सहावा आणि यूपीचा पाचवा सामना आहे. आरसीबीच्या विजयाचे खाते अद्याप उघडलेले नव्हते. त्याचवेळी, यूपीने मागील चारपैकी 2 सामने जिंकले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
