RCB Vs GG, WPL 2023: महिला प्रीमियर लीगच्या 16व्या सामन्यात रॉयल चॅलेंजर्स बंगळुरुने गुजरात जायंट्सचा 8 गडी राखून पराभव केला.
बंगळुरुचा हा सलग दुसरा विजय आहे. यापूर्वी बंगळुरुने यूपी वॉरियर्सचा पराभव केला. तर गुजरात जायंट्सचा हा पाचवा पराभव आहे. प्रथम फलंदाजी करताना गुजरातने 20 षटकांत 4 गडी गमावून 188 धावा केल्या.
प्रत्युत्तरात रॉयल चॅलेंजर्स बंगळुरुने सोफी डिवाइनच्या धडाकेबाज खेळीमुळे 27 चेंडू शिल्लक असताना सामना जिंकला. बंगळुरुची सलामीवीर सोफी डिवाइन शतक झळकावण्यात केवळ एक धाव चुकली.
दरम्यान, लॉरा वुल्फार्टच्या अर्धशतकाच्या जोरावर गुजरात जायंट्सने प्रथम फलंदाजी करताना रॉयल चॅलेंजर्स बंगळुरुविरुद्ध 20 षटकांत 4 गडी गमावून 188 धावा केल्या.
गुजरातकडून लॉराने सर्वाधिक धावा केल्या. तिने 42 चेंडूत 68 धावांची धडाकेबाज खेळी खेळली. तर, आरसीबीकडून श्रेयंका पाटीलने दोन बळी घेतले. गुजरातने शेवटच्या पाच षटकात 67 धावा केल्या.
दुसरीकडे, प्रथम फलंदाजीसाठी उतरलेल्या सोफिया आणि लॉरा यांनी चांगली सुरुवात केली. सोफिया 16 धावा करुन बाद झाली. पण लॉरा एका बाजूकडून शानदार फलंदाजी करताना दिसली. मेघनाने 32 चेंडूत 31 धावा केल्या.
गार्डनरने 26 चेंडूत 41 धावा केल्या. तिने या खेळीत 6 चौकार आणि 1 षटकार मारला. त्याचबरोबर, हरलीन आणि हेमलता यांनी शेवटच्या षटकात दमदार फलंदाजी करत 22 धावा केल्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
