गोवा प्रोफेशनल लीग : साळगावकर एफसीची विजयी सलामी

Copy of Gomantak Banner  (61).jpg
Copy of Gomantak Banner (61).jpg

पणजी : गोवा प्रोफेशनल लीग फुटबॉल स्पर्धेत बुधवारी साळगावकर एफसीने विजयी सलामी दिली. त्यांनी एफसी गोवा डेव्हलपमेंटल संघावर 2 - 0 फरकाने मात केली. सामना म्हापसा येथील धुळेर स्टेडियमवर झाला. स्पर्धेला बुधवारपासून सुरवात झाली.

माजी विजेत्या साळगावकर एफसीच्या खाती सामन्याच्या दोन्ही अर्धात प्रत्येकी एक गोल नोंदीत झाला. साईश हळर्णकर याने 39व्या मिनिटास साळगावकरला पेनल्टी फटक्यावर आघाडी मिळवून दिली. सामन्याच्या अखेरच्या मिनिटास बदली खेळाडू स्टीफन सतरकर याने संघाचे पूर्ण तीन गुण निश्चित केले.

पेनल्टी क्षेत्रात एफसी गोवा डेव्हलपमेंटल संघाच्या माल्सॉमत्लुआंगा राल्टे याच्या हाताला अचानक चेंडू लागल्यामुळे रेफरीने साळगावकर एफसीसाठी पेनल्टी फटक्याची खूण केली. त्यावेळी साईशने अचूक फटका मारला. साळगावकरच्या विजयावर शिक्कामोर्तब करताना स्टीफनने उजव्या बाजूने मुसंडी मारत एफसी गोवाचा गोलरक्षक डायलन डिसिल्वा याला चकविले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com