French Open Badminton: सात्विक-चिराग जोडीने रचला इतिहास, पहिल्यांदाच जिंकली फ्रेंच ओपन

French Open Badminton 2022: भारताचा स्टार शटलर सात्विकसाईराज रंकीरेड्डी आणि चिराग शेट्टी यांनी इतिहास रचला आहे.
Satwiksairaj Rankiredd & Chirag Shetty
Satwiksairaj Rankiredd & Chirag Shetty Dainik Gomantak

French Open Badminton 2022: भारताचा स्टार शटलर सात्विकसाईराज रंकीरेड्डी आणि चिराग शेट्टी यांनी इतिहास रचला आहे. या भारतीय शटलर्संनी मिळून फ्रेंच ओपन बॅडमिंटनचे पुरुष दुहेरीचे विजेतेपद पटकावले. सुपर 750 बॅडमिंटन स्पर्धेतील पुरुष दुहेरीचे विजेतेपद जिंकणारे सात्विक आणि चिराग हे पहिले भारतीय ठरले आहेत. पॅरिसमध्ये खेळल्या गेलेल्या अंतिम सामन्यात या जोडीने चायनीज-तैपेईच्या खेळाडूंवर सरळ गेममध्ये विजय नोंदवला.

मोठे करिअर

सात्विकसाईराज रंकीरेड्डी (Satwiksairaj Rankiredd) आणि चिराग शेट्टी (Chirag Shetty) या स्टार भारतीय जोडीने रविवारी आपल्या कारकिर्दीतील सर्वात मोठे विजेतेपद आपल्या नावावर केले. या जोडीने पॅरिसमधील (Paris) फ्रेंच ओपन बॅडमिंटनच्या पुरुष दुहेरीच्या अंतिम सामन्यात चायनीज तैपेईच्या लु चिंग याओ आणि यांग पो हान यांचा सरळ गेममध्ये पराभव केला. 2019 मध्ये उपविजेते ठरलेल्या या जोडीने 48 मिनिटांच्या लढतीत लू आणि यांग यांचा 21-13, 21-19 असा पराभव केला.

Satwiksairaj Rankiredd & Chirag Shetty
French Open Women's Final: इगा स्विअटेकने पटकावले दुसरे फ्रेंच ओपन जेतेपद

चिराग-सात्विक जबरदस्त फॉर्मात

भारताच्या (India) या पुरुष जोडीने यंदाही आपली चमकदार कामगिरी कायम ठेवली आहे. ऑगस्टमध्ये झालेल्या जागतिक स्पर्धेत चिराग-सात्विकने कांस्यपदक जिंकले होते. याशिवाय त्यांनी इंडियन ओपन सुपर 500 चे विजेतेपद, कॉमनवेल्थ गेम्समध्ये (Commonwealth Games) गोल्ड आणि थॉमस कप जिंकले.

Satwiksairaj Rankiredd & Chirag Shetty
Singapore Badminton Open: पीव्ही सिंधूचा विजय, सेमिफायनलमध्ये धडक

विजेतेपदाचा मार्ग सोपा नव्हता

या भारतीय जोडीने सुरुवातीच्या गेममध्ये 5-0 अशी आघाडी घेत चांगली कामगिरी सुरु ठेवली होती. चायनीज तैपेईच्या खेळाडूंनी पुनरागमन करण्याचा प्रयत्न केला असला तरी सात्विक-चिराग जोडीने पहिला गेम 21-13 असा जिंकला. दुसऱ्या गेममध्ये चुरशीची स्पर्धा झाली. सुरुवातीला चायनीज तैपेई जोडीने आघाडी घेण्याचा प्रयत्न केला, मात्र मध्यंतरापर्यंत स्कोर भारताच्या बाजूने राहिला होता. दुसऱ्या गेममध्ये चायनीज तैपेईच्या खेळाडूंनी 14-14 आणि नंतर 19-19 अशी बरोबरी साधली, मात्र सात्विक-चिरागने वेग कायम ठेवत गेम आणि सामना 21-19 असा बरोबरीत आणला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com