Hardik Pandya: पाकिस्तानचा दिग्गज खेळाडू बनला पांड्याचा जबरा फॅन, पाक ची टीम...

Pakistan Cricket Team: टीम इंडियाचा स्टार अष्टपैलू खेळाडू हार्दिक पांड्याचे चाहते जगभरात आहेत.
Hardik Pandya
Hardik PandyaDainik Gomantak

Shahid Afridi on Hardik Pandya: टीम इंडियाचा स्टार अष्टपैलू खेळाडू हार्दिक पांड्याचे चाहते जगभरात आहेत, पण आता पाकिस्तानचा दिग्गज आणि माजी कर्णधारही या यादीत सामील झाला आहे. पाकिस्तानसाठी 500 हून अधिक सामने खेळलेल्या शाहिद आफ्रिदीने म्हटले आहे की, सध्याच्या पाकिस्तान संघात हार्दिक पांड्यासारख्या फिनिशरची कमतरता आहे. हार्दिक गेल्या काही काळापासून चांगली कामगिरी करत आहे.

पाकिस्तानच्या कामगिरीबद्दल चिंता

आशिया कप-2022 मध्ये पाकिस्तान (Pakistan) संघाने अंतिम फेरीपर्यंतचा प्रवास केला, परंतु अंतिम सामन्यात नाणेफेक जिंकूनही पाकिस्तानने श्रीलंकेविरुद्धचा सामना गमावला. पाकिस्तानी संघ सध्या इंग्लंडविरुद्ध सात सामन्यांची टी-20 मालिका खेळत आहे. चार सामन्यांनंतर मालिका सध्या 2-2 अशी बरोबरीत आहे. पाकिस्तानच्या मधल्या फळीतील फलंदाजांच्या कामगिरीत सातत्याचा अभाव असल्याचेही शाहिद आफ्रिदीने म्हटले आहे.

'आमच्याकडे पांड्या नाही'

शाहिद आफ्रिदीने (Shahid Afridi) समा टीव्हीशी बोलताना सांगितले की, 'आमच्याकडे असा फिनिशर (Hardik Pandya) नाही. असिफ अली आणि खुशदिल हे आपला जलवा दाखवू शकतील असे आम्हाला वाटले, पण तसे झाले नाही. नवाजही तेवढा सक्षम नाही आणि शादाब खानही नाही. या चारपैकी किमान दोन खेळाडूंच्या कामगिरीत सातत्य असायला हवे. ज्या दिवशी शादाब शानदार कामगिरी करतो तेव्हा, संघही जिंकतो.'

हार्दिक ऑस्ट्रेलियाविरुद्ध चमकला

हार्दिक पांड्याने (Hardik Pandya) नुकत्याच झालेल्या ऑस्ट्रेलियाविरुद्धच्या टी-20 मालिकेत शानदार कामगिरी केली. मोहालीत खेळल्या गेलेल्या पहिल्या टी-20 सामन्यात त्याने नाबाद 71 धावांची खेळी केली. दुसऱ्या T20 मध्ये त्याने फक्त 9 धावा केल्या, पण तिसऱ्या T20 सामन्यात त्याने 25 धावांची नाबाद इनिंग खेळून टीम इंडियाला विजय मिळवून दिला. हैदराबादमध्ये खेळल्या गेलेल्या या सामन्यातील विजयासह भारताने टी-20 मालिकेतही ऑस्ट्रेलियाचा (Australia) 2-1 असा पराभव केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com