Indian Cricket Team: टीम इंडिया सध्या ऑस्ट्रेलियाविरुद्ध 4 सामन्यांची कसोटी मालिका खेळत आहे. त्याचवेळी, देशांतर्गत क्रिकेटमध्ये रणजी ट्रॉफी चॅम्पियन्स मध्य प्रदेश आणि उर्वरित भारताच्या संघांमध्ये 1 ते 5 मार्च दरम्यान इराणी ट्रॉफी खेळली जाणार आहे.
भारतीय क्रिकेट नियामक मंडळाने (BCCI) नुकतीच उर्वरित भारतीय संघाची घोषणा केली आहे. मात्र या संघात मोठा बदल करण्यात आला आहे. रणजी ट्रॉफीमध्ये चमकदार कामगिरी करणाऱ्या या खेळाडूचा अचानक संघात समावेश करण्यात आला आहे.
अखिल भारतीय वरिष्ठ निवड समितीने इराणी चषकासाठी उर्वरित भारतीय संघात (Team India) जखमी मयंक मार्कंडेच्या जागी अष्टपैलू शम्स मुलाणीचा समावेश केला आहे, असे बीसीसीआयने मंगळवारी सांगितले.
प्रशिक्षणादरम्यान मयंक मार्कंडेच्या उजव्या हाताच्या बोटाला दुखापत झाल्याने तो स्पर्धेतून बाहेर पडला आहे. दोन्ही संघांमधील हा सामना 1 ते 5 मार्च दरम्यान कॅप्टन रुपसिंग स्टेडियम, ग्वाल्हेर येथे खेळवला जाईल.
मयंक मार्कंडेच्या आधी युवा फलंदाज सर्फराज खानही या सामन्यातून बाहेर पडला आहे. भारतीय क्रिकेट नियामक मंडळाने आता एका प्रसिद्धीपत्रकाद्वारे सरफराजबद्दल अपडेट दिले आहे.
बीसीसीआयने (BCCI) जारी केलेल्या निवेदनात म्हटले आहे की, 'सरफराजच्या डाव्या हाताच्या करंगळीला फ्रॅक्चर झाले आहे. त्यामुळेच तो निवडीसाठी उपलब्ध नव्हता. निवड समितीने या स्पर्धेसाठी त्याच्या जागी बाबा इंद्रजितची निवड केली आहे.
तसेच, सरफराज खानने रणजी ट्रॉफी (Ranji Trophy) 2023 हंगामातील 6 सामन्यात 92.66 च्या सरासरीने 556 धावा केल्या. यादरम्यान त्याची सरासरी 92.66 होती.
मयंक अग्रवाल (क), अभिमन्यू ईश्वरन, यशस्वी जैस्वाल, यश धुल्ल, बाबा इंद्रजीत, उपेंद्र यादव (wk), अतित सेठ, सौरभ कुमार, हार्विक देसाई, नवदीप सैनी, मुकेश कुमार, चेतन साकारिया, आकाश दीप, शम्स मुलानी, पुलकित नारंग आणि सुदीप कुमार घारामी.
हिमांशू मंत्री (कर्णधार), रजत पाटीदार, यश दुबे, हर्ष गवळी, शुभम शर्मा, व्यंकटेश अय्यर, अक्षत रघुवंशी, अमन सोलंकी, कुमार कार्तिकेय, सरांश जैन, आवेश खान, अंकित कुशवाह, गौरव यादव, अनुभव अग्रवाल आणि मिहिर हिरवान.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
