IPL 2022: 'माहौल बदल दूंगा! श्रेयस अय्यरने KKR च्या चाहत्यांना दिलं वचन

श्रीलंकेविरुद्धच्या टी-20 मालिकेत धुमाकूळ घालणाऱ्या श्रेयस अय्यरची (Shreyas Iyer) नजर आता आयपीएल 2022 वर आहे.
Shreyas Iyer
Shreyas IyerDainik Gomantak

श्रीलंकेविरुद्धच्या (Sri Lanka) टी-20 मालिकेत धुमाकूळ घालणाऱ्या श्रेयस अय्यरची नजर आता आयपीएल 2022 वर आहे. श्रेयसने कोलकाता नाईट रायडर्सशी एका खास मुलाखतीत आयपीएल 2022 (IPL 2022) जिंकण्याबद्दल मोठा खुलासा केला आहे. कोलकाता नाईट रायडर्सने (KKR) 16 फेब्रुवारीला श्रेयस अय्यरला कर्णधार बनवले होते. श्रेयस अय्यरला (Shreyas Iyer) लिलावात कोलकाता नाईट रायडर्सने तब्बल 12.5 कोटी रुपयांना विकत घेतले. श्रेयस अय्यर सध्या अप्रतिम फॉर्ममध्ये आहे. विशेष म्हणजे त्याच्या कर्णधारपदाची प्रतिभा सर्वांनाच ठाऊक आहे. दिल्ली कॅपिटल्सच्या यशात अय्यरचा मोठा वाटा आहे. (Shreyas Iyer Promises KKR Fans To Win IPL 2022 Championship)

दरम्यान, श्रेयस अय्यर केकेआरशी बोलताना म्हणाला, 'मी मैदानात उतरण्यासाठी आतुर आहे. यावेळी मी केकेआरकडून खेळणार आहे. जेव्हाही मी या संघाविरुद्ध खेळलो तेव्हा चाहत्यांनी या संघावर खूप प्रेम केले. यावेळी मी या संघाचा कर्णधार असणार आहे. मी जबाबदारीसाठी घेण्यासाठी सक्षम आहे. मला यंदाची चॅम्पियनशिप जिंकायची आहे.'

Shreyas Iyer
IPL 2022: IPLमध्ये पहिल्यांदाच मयंक अग्रवाल करणार पंजाब किंग्जचे नेतृत्व

केकेआरचे विजेतेपद हुकले

दरम्यान, कोलकाता नाइट रायडर्स आयपीएल 2021 मध्ये तिसरे विजेतेपद मिळवण्यापासून वंचित राहिले होते. अंतिम फेरीत चेन्नई सुपर किंग्जने केकेआरचा एकतर्फी पराभव केला होता. गेल्या मोसमात, केकेआरचा कर्णधार इयॉन मॉर्गन होता, जो फलंदाजीत सपशेल अपयशी ठरला होता. मॉर्गनचे अपयश केकेआरला चांगलेच महागात पडले होते. आणि हेच कारण आहे की, फ्रँचायझीने त्याला कायम ठेवले नाही. त्यानंतर मात्र त्याला कोणत्याही संघाने विकत घेतले नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com